Taa, 2-nhîrî me men̂ekacho yar̂metaw tak Simeaw komo yeken yukuknomacho me tak xakn̂e hara. Xuta komo rowon rakataw rma tko n̂etkuknomekn̂e yîrowon komo.

2-6 On wara xakn̂e ewto mko yînahsîrî kom ha, Behseba, Seba rma mîn ha, Morata, Asarî Suaw, Bara, Asen, Ewtorace, Betuw, Ohma, Sikrake, Bece Mahkaboce, Asarî Susa, Bece Rebaoce, Saruen. 13 mîn xakn̂e ewto mko yînahsîrî komo. Ewtoci mko marha nahsîyatken̂e porin ewto mîtwono mko.

7-8 On wara marha xakn̂e ewto mko yînahsîrî kom hara, Ain, Himon, Eete, Asan. 4 mîn xakn̂e hara ewto mko yînahsîrî komo. Ewtoci mko marha nahsîyatken̂e ero mîtwono komo ha. Miyanî rma nahsîyatken̂e ewto mok Baarace Bee pona rorono kom ha. (Hama rma mîn ha suu n̂ixan ha.) Ero wa xakn̂e Simeaw komo nahsîrî.

9 Xuta rowon rakatawno rma nahsîyatken̂e Simeaw komo. Ero wa nahsîyatken̂e porin me xa exirî ke Xuta yepamtho komo rowon. Ahsîtîkarî komo yopo xakn̂e. Ero ke Xuta yepamtho komo rakatawno rma nahsîyatken̂e Simeaw kom hara. Iitono xa nahsîyatken̂e Simeaw komo tîrowon me.

10 3-înhîrî me men̂ekacho yar̂metaw Seburon yepamtho komo yeken yukuknomacho me xakn̂e hara. N̂examro yeken wokpan cesî miya Sarice pona.

11 En̂exa cesî oesce yaw roro. Marara pona cesî, Tabesece pona marha. En̂exa cesî aporî kwaka Xokneaw mîtwono kwaka.

12 Sarice poi cesî resce yaw roro Kisîroce Taborî yen̂etkoko ro. Enexa cesî Taberace pona. Xapia pona roro cesî.

13 En̂exa cesî rma Kace Epe panari resce n̂ixa. Ece Kasin pona marha. Himon pona roro cesî. En̂exa poku kes hara Neya wece.

14 En̂exa tak wokpa cesî Anaton panari nohce n̂ixa. En̂exa cesî Ipta Ew woskaran pona.

15 On wara xakn̂e ewto mko yîrowon komo pono ha, Katace, Naaraw, Sinron, Itara, Beren. Anarî mko marha xakn̂e n̂examro yewton. 12 xakn̂e ewton mko. Ewtoci mko marha nahsîyatken̂e ero mîtwono mko ha.

16 Ero wa nasî ewto mko Seburon komo yeken ha. Ewtoci mko marha nahsîyatken̂e ero mîtwono mko. Iina re so n̂esekenmetken̂e noro re komo.

17-21 4-nhîrî me men̂ekacho yar̂metaw Isaka komo yeken yukuknomacho xakn̂e hara. On wara xakn̂e n̂examro yewtonî mko, Xisirew, Kesuroce, Sunen, Aparain, Sion, Anarace, Habice, Kision, Ebesî, Hemece, En Kanin, En Ata, Bece Pases.

22 Miya cesî n̂examro rowon wokpan Tabo pona, Saasima pona marha, Bece Semes pona marha. N̂enahcasî tak Xotaw yecihtaw. 16 mîn xakn̂e Isaka komo yewton. Ewtoci mko marha nahsîyatken̂e ero mîtwono komo ha.

23 Ero wa xakn̂e Isaka komo yeken me yukuknomaxapu, ewton komo, ewtoci mko marha. Iina re so n̂esekenmetken̂e noro re komo.

24-26 5-nhîrî me men̂ekacho yar̂metaw Ase yepamtho komo yeken yukuknomacho xakn̂e hara. On wara xakn̂e n̂examro yewton, yînahsîrî kom hara, Ewkace, Ari, Beten, Aksape, Aramereke, Amace, Misaw. On wara nasî n̂examro yeken wokpan oesce n̂ixan ha, Kahmeru Yîpîn yamrinari cesî Sio Ribnace yewkuru porero.

27 En̂exa tak wow kes hara resce yaw roro, Bece Takon wece ha. Seburon komo rowon yen̂etkokoro rma cesî. Ipta Ew woskaran pona roro rma cesî. En̂exa nohce yaw roro ces hara Bece Emeke pona, Neiew pona marha. Kamuru panari cesî poowa n̂ixa.

28 Iitono nahsîyatkekn̂e ewto mko, Ebron, Heobe, Amon, Kana ha. Ero wa nasî ewto mko yosotî, yînahsîrî komo yosotî. Siron pona roro ces wokpan komo, ewto imo pona roro.

29 En̂exa poku kes hara wokpa Hama pona hara. En̂exa cesî Ciru pona twacayem pona ha. En̂exa poku kes hara Osa wece. Tuuna imo kwaka roro cesî Aksibe mîtwo.

30 On wara marha xakn̂e n̂examro yewton, Uma, Apeke, Heobe. Yaake xakn̂e ewto mko n̂examro nahsîrî, 22 xakn̂e. Ewtoci mko marha nahsîyatken̂e ero mîtwono mko ha.

31 Ero wa xakn̂e ewto mko Ase yepamtho yeken me tahsîsom. Ewtoci mko marha nahsîyatken̂e porin ewto mîtwono komo ha. Iina re so n̂esekenmetken̂e noro re me cehsom komo.

32 6-înhîrî me men̂ekacho yar̂metaw Nahtari yepamtho komo yeken yukuknomacho me xakn̂e hara.

33 N̂examro rowon wokpan cesî Erepe poi. Saananin po nasî kahpar̂u yepu porin ha. Ero mîtkokoro cesî Atami Nekebe pore, Xabnew pore, Rakum pore marha. Xotaw kwaka roro cesî.

34 Xotaw kwai ces hara oesce yaw roro Asînoce Tabo pona, Ukoke pona marha. Seburon yepamtho komo rowon yen̂etkokoro cesî suu n̂ixa, Ase yepamrî komo rowon yen̂etkokoro cesî oesce n̂ixa hara, Xotaw nasî wokpan me resce n̂ixan hara.

35-38 On wara xakn̂e ewto mko yînahsîrî komo twacayem komo re. Sitin, Sere, Amace, Hakace, Kinerece, Atama, Hama, Aso, Ketes, Etîrei, En Aso, Iron, Miktaw Ew, Oreme, Bece Anace, Bece Semese. 19 xakn̂e ewto mko n̂examro nahsîrî. Ewtoci mko marha nahsîyatken̂e ero mîtwono kom ha.

39 Ero wa xakn̂e ewto komo Nahtari yepamtho komo yeken me tahsîsom. Ewtoci ke tîmîtwonoi so xakn̂e ewto mko. Iina re so n̂esekenmetken̂e noro re komo.

40 7-nhîrî me men̂ekacho yar̂metaw Taan komo nahsîrî yukuknomacho me xakn̂e hara.

41-46 On wara xakn̂e ewto mko n̂examro nahsîrî hara, Sora, Estaow, Ih Semese, Saarabin, Aixaron, Icira, Eron, Cimna, Ekron, Ewteke, Xibeton, Baarace, Xeuce, Ben̂e Barake, Kace Himon, Mee Xahkon, Hakon. Xapo mîtwono marha nahsîyatken̂e roowo raconho. Ero wa xakn̂e ewto mko Taan yepamtho nahsîrî.

47 On wara tko xatken̂e Taan komo, meye xakn̂e anarî hara yîrowon komo, ewton komo marha. Miya cetken̂e hara n̂examro Resem pono komo yar̂max hara. Iitono pen komo nar̂metken̂e. Ewtonthîrî komo pona tak n̂esekenmetken̂e hara. Anarî me tak ero nosohcetken̂e Resem, ewto ha, Taan me tak nosohcetken̂e tporin pen komo yosoken me rma.

48 Ero wa xakn̂e ewto komo Taan komo yeken me tahsîsom. Ewtoci ke tîmîtwonoi so xakn̂e n̂examro yewtonî komo. Iina re so n̂esekenmetken̂e noro re komo. Ero wa xakn̂e Ixaw yepamtho komo rowon raco mko, ahnoro yîrowon me yînahsîrî komo.

49 Ero yinhirî tak tîrowon komo yukuknomatîkache tak on wara xatken̂e Ixaw Yana komo, ewto marha nîmyatken̂e Xoswe ya, Nun pen mumutho ya ha. Cewton komo poyino rma nîmyatken̂e yîwya.

50 Kporin komo mtapotachonho yaw roro rma nîmyatken̂e yîwya. Yînaponkuthîrî rma nîmyatken̂e yîwya, Cimnace Sera. Eprain yepamtho komo rowon pono mîn nîmyatken̂e yîwya, îîpî chewno ha. Ero ke iina n̂esekenmekn̂e Xoswe. Yaake tak mîîmo n̂irpekn̂e iina ewto pona.

51 Ero wa roowo n̂ekamyatken̂e Ixaw yana komo ya. Ereasa mîk n̂ekamyakn̂e Kporin komo yaka cewomsom ha. Xoswe marha xakn̂e ero yekamn̂e me, Nun pen mumutho ha. Tribu yantoman̂e komo marha xatken̂e ero yekamn̂e me Ereasa yakro. Men̂ekacho yar̂macho ke xa nîhtînoyatken̂e ekamtopo, Kporin komo yanme rma. Siro po xatken̂e ero wa ekamyataw. Kporin komo yeepatai rma xatken̂e, Kesentacho potaw xa. Ero ke iitu xa xakn̂e Ixaw Yana komo rowon yekamtopo. Ero wa xakn̂e.