Taa, iitono kayaritomon pen komo tan wetahcasî Ixaw Yana komo nar̂matho pen kom ha. Xotaw yeco pono komo ka nar̂metken̂e, resce n̂ixan kom ha. Yîrowonthîrî komo nahsîyatken̂e ahnoro Ahnon Yepu yecihtaka rorono, Ehmon Yîpîn pona rorono marha. Woskara nahsîtîketken̂e resce n̂ixan ha.

2 Sion pen iito xakn̂e. Noro pen ka nar̂metken̂e, Amohew komo kayaritomon pen tî mîk xakn̂e. Esbon xakn̂e noro yewton. Miyanî rma xakn̂e yîrowon me Aroe pona rorono, Ahnon Yepu yecihtawno pona rorono ha. Miyan marha xakn̂e yîrowon me Xaboke kwaka rorono hara. Amon yepamtho komo rowon wokpan mîn Xaboke Yepu. Xireace raconho rma mîn xakn̂e yîrowon me.

3 Woskara marha tî xakn̂e yîrowon me, Xotaw yeco pono, resce n̂ixan ha. Kin̂erece N̂ikithon pona rorono marha xakn̂e yîrowon me, Araba N̂ikithon pona rorono marha. Yîmîtî Ken̂arî rma mîn Araba N̂ikithon. Bece Xesimoce marha xakn̂e noro rowon me. Piska Yîpîn mehxam marha xakn̂e yîrowon me suu n̂ixan ha. Ero wicakî xakn̂e Sion pen rowontho.

4 Oki pen marha xakn̂e iito. Basan pono komo kayaritomon pen mîk xakn̂e. Hepain yepamtho pen mîk xakn̂e. Asak mak tak xatken̂e Hepain komo ero yimaw. Asakî xakn̂e Oki pen yewtontho, Astaroce, Etîrei, ero komo xakn̂e noro pen yewtontho.

5 On wicakî xakn̂e yîrowonthîrî hara, yînahsîthîrî ha, Ehmon Yîpîn, Sawka marha. Basan marha nahsîyakn̂e miya rorono, Xesurew komo rowon wokpan pona rorono, Maakatew komo rowon wokpan pona rorono marha. Xireace raconho mîn xakn̂e yîrowon me, miya rorono Sion pen rowonînho wokpan yaka rorono, Esbon pononho pen wokpan yaka rorono ha.

6 N̂examro pen nar̂mekn̂e Moises, Kporin komo yanton pen ha. Ixaw Yana komo yakro rma nar̂metken̂e. Ero yinhîrî tak yîrowonthîrî komo nîmyakn̂e Moises Huben yepamtho komo ya, Kace yepamtho komo ya marha, Manases yepamtho poyinonho komo ya marha. Noro yipu komo ya nîmyakn̂e iitono pen rowontho eken komo me. Moises pen mîk nîmyakn̂e, Kporin komo yanton pen ha.

7 Taa, anarî komo xatken̂e hara Xotaw Yepu xehxa, oesce n̂ixa. Kayaritomo komo marha mîkyam xatken̂e. N̂examro pen meero nar̂metken̂e Xoswe komo, Ixaw Yana komo yakro. Baaw Kace pona rorono komo, Ribanu Woskaran pona rorono kom ha. Arake Yîpîn pona rorono komo marha nar̂metken̂e. Sei mîtwono mîn Arake Yîpîn. Ero yinhîrî tak yîrowonthîrî komo tak nîmyakn̂e Xoswe Ixaw Yana komo ya. Tribu komo ya so nîmyakn̂e eken komo me.

8 On warai nîmyakn̂e yîwya so roowo, îîpî ken̂arî, matîwîn ken̂arî marha oesce n̂ixan ha, woskara, îîpî ken̂arî marha porin ken̂arî, axawa imo, suu n̂ixan, ero warai n̂ekamyakn̂e Ixaw Yana komo ya. On warai pen komo rowontho mîn xakn̂e, Etew pen komo, Amohew pen komo, Kananew pen komo, Keresew pen komo, Epew pen komo, Xebusew pen komo, noro yipu pen komo rowontho n̂ekamyakn̂e Ixaw Yana komo ya.

9 Ero pononho pen komo tan wetahcasî kayaritomo pen komo, Ixaw Yana komo nar̂matho pen kom ha, Xer̂ko pononho pen, Aai pononho pen,

10 Xerusaren pononho pen, Ebron pononho pen,

11 Xahmuce pononho pen, Rakis pononho pen,

12 Ekron pononho pen, Xese pononho pen,

13 Tebi pononho pen, Xete pononho pen,

14 Ohma pononho pen, Arace pononho pen,

15 Ribna pononho pen, Aturaw pononho pen,

16 Maketa pononho pen, Betew pononho pen,

17 Tapua pononho pen, Epe pononho pen,

18 Apeke pononho pen, Rasaron pononho pen,

19 Maton pononho pen, Aso pononho pen,

20 Sinron Meron pononho pen, Akisape pononho pen,

21 Taanake pononho pen, Mexito pononho pen,

22 Ketes pononho pen, Xokn̂eaw pononho pen, Kahmeru pono pononho mîn xakn̂e Xokn̂eaw ha,

23 Toro pononho pen, îh pono pononho ha, Xiwkaw pono komo kayaritomon pen,

24 Cihsa pononho pen, 31 xatken̂e yînar̂mathîrî pen komo, kayaritomo pen kom ha. Ero wa xatken̂e.