E Pol na kino ki roho bene Pilimon bono leta vai,

e Pilimon he tea tei Kolosi.

Eara na ante rara tea nata nie Pol beara ahe o buku Aposol.

Eove a too Jiu bara na teitei bata teo vaagum teo Paresii,

eove he mei nana tea murina bene Jisu.

O Paresii na kiikikisi kurusu bata tea murina vanenesi bona maa lo bara maa taatate tea ta Jiu ae meha maa lo vai to paku komana riori.

E Pol na tekiteki bata ri roho bona maa tavaan to vamanamana bata bene Jisu Karisito (Aposol 8:3; 22:4).

E Pol na vamanamana mana bene Jisu Karisito,

eove he vatatana me bona,

hanana va Damaskas,

eove he tea pita bata vo Damaskas.

(Aposol 9:1-31).

Rerau,

mepaa vaavihi mana vo tea meha maa vaan,

eve he tea vamora bata bara eove he tea vaasusu bata ribona maa tavaan bene Jisu Karisito (Aposol 13:4-5; 14:1, 21-28; 15:41; 16:4-5; 17:1-2, 10-12).

Meve paa taneo bona maa vaagum lotu te Jisu Karisito kaakoo tea maa vaasusu to pakue.

O bero o aba to goe roho bona kiu te Pol,

rerau,

meori paa vaahovo bari inu karabusu.

E Pol na tei bona maa vuri sana inu karabusu (Aposol 16:19-39; 21:26-36; 24:27, 2 Kor 6:5; 11:23),

meve na kino bona meha maa leta teve inu karabusu.

O leta vai mee na kino ee teebona (ves 1).

E Pol na vaahovo roho ori inu karabusu va Epesis,

Siisaria ae Rom.

Eara he na toku ni rara a inu karabusu va sau to teitei eve,

eove he kino bono leta vai.

Eara mee na toku ni rara o vinu to kino rohoe bono leta vo te Pilimon.

Eori he na boha vo rien e Pol na kino bono leta vai bara o leta tea ta Kolosi teo peho vuri koa.

E Pilimon a too Grik.

Eve a too Jentael,

saka too Jiu haana.

E Pol to vaasusu bene Pilimon,

mepaa vamanamana bene Jisu Karisito (ves 19).

E Pilimon e masta te Onisimas.

Onisimas he a too kiu kokoraa te Pilimon,

meve na rosin kahi roho bene Pilimon.

Eove na vamanamana mana bene Jisu Karisito,

eove he vatatana mi bene Pol,

mepaa gono bona maa vaasusu to paku kie Pol bona (ves 10).

Teo vuri tere Pol bo Pilimon ae Onisimas,

e masta na ante nana tea asun vamate bona too kiu kokoraa teve beve kaokahi bona.

E Pol he na rake be Pilimon vaavoosu vamataa vahaa bene Onisimas (ves 17) beve goe tea reasi ni bona.

Eve a pusunae me Pol paa kino bono leta vo te Pilimon.

Eara na tara rara to kino vaavaha me roho e Pol bono leta vai.

Momohu eove na vabeera bene Pilimon (ves 4-7),

murinae mepaa sue tavusu ni bono hino teve (ves 8-11, 17).

E Pol mee na vaakikisi bono hino teve,

eove he sue voen,

‘enaa he na kona vo nomen,

ean pasi paku vea taba vai to paa hino nasuu naa,

bara ean mee pasi paku va-oha vakisiu o hino tenaa’ (ves 21).

E Pol na paku bono moroko vai,

ore vatokutoku ki bene Pilimon tea sue va goe tea paku bona taba to paa rake mau e Pol.

Eove he toro manaata bara paku koa bono hino te Pol.