3 Na vaapeha nana tea kan subuava.

Vaasusu rii,

eori re paku bono matapaku vai to vasisio nana bene Hunavaan.

Eori mee toro goe tea moroko vahatahata ribono meho aba,

bara toro goe tea gaagaga bona maa gaga vai amaa kikisi.

Evehee eori toro vaasusu ribono meho aba bona maa matapaku mataa.

4 Rerau,

eori repaa vataaree ribona kan maahura bona havee toro uruuru vaavaha meori bona ba mutariori ae o baiko teori.

5 Eori mee toro vaasusu ribari tea simatoto bona tootoo teori,

bara tea popo vatahavi,

ae tea kikira vamataa bona maa inu ae a ta komana inu teori.

A kan maahura toro paku vamataa kiri bono meho aba bara toro vaagunaha bata kiri bona ba mutariori.

Rerau,

orepaa hiki ta aba toro tahi sue bona koara te Hunavaan.

6 Na vaapeha vo nae mee tea kan visoasi.

Sue vakikisi kirii,

eori re simatoto batari bona tootoo teori

7 tea maamihu taba.

Ean toro vataaree bata ri nomori bona maa matapaku mataa tean,

o visoasi repaa tara bara paku suusue bari.

Goe tea piku ae vapihan bean vaasusu bata nom.

8 Ean mee toro vaasusu nia koara vai a omana,

to saka ante haa ni riori tea sue vahatahata.

Rerau,

amaa tavaan to vaopaopasu me kara raara repaa pote,

tea tabae eara kou na hiki rara ta hata vai toro sue suku araara ori.

9 Ean mee toro vaasusu ria maa tau kiu kokoraa,

eori re vavaagunaha bata kiri rori bono masta teori tea maamihu taba,

bara eori re kehi batari tea vaamararae ribari.

Eori mee toro goe tea vakakaku sue kiri bari

10 ae tea kaveru ribari.

Evehee eori toro vataaree bene masta teori voen,

na ante ri riori tea nonoe tamuana.

Amaa tavaan repaa tara bona maamihu matapaku mataa teori,

eori repaa manimanini tea baitono bono vaasusu ne Hunavaan a Too Vatagae teara.

11 Ean toro paku amaa taba vai,

tea tabae e Hunavaan na vataaree ni bono vuha uruuru teve,

eove he paku ma bona hanana vai to ante nana tea vatagae ribona kavara na aba kahi bona maa matapaku vahata teori.

12 O vuha uruuru teve na vaasusu ara raara tea hee murina a maamihu matapaku to saka penapena haana ae a maamihu manimanini va teo munana.

Na vaasusu ara raara mee tea popo vasimatoto,

bara tea popo vatotobin ae vapenapena tea maa vuri vai.

13 Eara toro popo vo rara teebona,

beara ihuana rara o boni vai o vaamararae to matamatana bata nao raara,

be Jisu Karisito a Sipoana nomaa vaha me bona mamairaka teve.

Eove e Hunavaan vai a beera ae a Too Vatagae teara

14 to hee komana ni bene eve tea mate karaara,

eove re voni vaha araara tea maamihu matapaku vahata.

Eove mee re vatahavi araara,

eara re tavusu aba teve komana,

bara eara re manini rara tea paku amaa taba vai amaa matamataa.

15 Vaasusu ria maa tavaan bona maa taba to paa sue nasuu naa.

Ean na tei me nom o atorotii,

mean toro moroko vakikisi bara vaatotobin ria maa tavaan to vamanamana rori,

eori re paku bona maa taba bona.

Ean mee toro goe tea vaamanaata ki ta aba ore tara gunaha ni ki vuan.