Lulapäcuśhancäta sumäta licaculcänanpämi yaćhachin
17
Chaynütacmi juc-punćhüpis Jesus yaćhapacünincunacta nila:
“Mana allincunacá imaypis mayćhüpis waywa-yupaypis talicunmi.
Ñatac mayanpis nuna-masinta chayman tanꞌalpücá ¡imanuylä canꞌa!
2 Yanꞌal-lätac cay uchuchäcunanülla cä chalapacamänïta mayanpis juchaman palpuyächinman.
Mas allinćha canman cuncanman wanca lumicta watacuycul lamarcäman jiꞌacalpuptinpis.
Lucas 17.1-37
“Nuna-masiqui mana allincunacta lulaptinꞌa anyaycäliy.
Chaywan wanacuptinꞌa pampachaycäliy.
4 Masqui anćhish cuti juc muyunllaćhu cuntrayqui lulal,
‘Manam cananpi lulalläśhäñachu’ nil chaynu anćhish cuti cutimuśhuptiquiꞌa pampachaycäliy” nila.
5 Niptinmi nipäcula:
“Taytáy,
yanapaycälillämay-ari Diosman chalapacuynïcuna wiñananpä” nil.
6 Niptinmi:
“Masqui shitap mujunnüllapis chalapacuyniqui captinꞌa cay jatun jaćhäta ‘¡Caypi lamarcäman wicapacuy!’
nil niptiqui cäsupäcuśhunquimanmi” nila.
Allinta lulaycücäta manam lluychu sulpay nipäcun
7 Chayćhüñatacmi nila:
“Juc nunap gañannin ñatac uwish michïnin cachun.
¿Paycuna chay tardi ćhächimuptin patrunnin:
‘Cayman pasaycamul micucuchcay’ ninchun?
8 Manamá.
Aśhwanpalämi:
‘Micuyta lulalcul sirbimay.
Amcuná micuculcanquićhá’ nin.
9 Chaynu sirbichiculculpis manalätac anradisicuynin canchu.
10 Cay lulapacü nunacunanüćha amcunapis Diospa mandäśhuśhayqui lulayta camacalculꞌa:
‘Uywayllamá canchic.
Yaꞌanchicꞌa lulanallanchiccätam lulayculanchic.
¿Ima mastamá alcachwan?’
nil nipäcunqui” nila.
Ćhunca liprayu sänäcunapïtam juclla sulpayta ucun
11 Jerusalenta lilmi Jesus pasala Samariap malcancunap,
Galileap malcancunap.
12 Chayćhu tacsa malcallaman ćhäluptinmi chaypi yalälälimun ćhunca millachicuy lipra ishyaywan ismuyä nunacuna.
13 Chaycunam calullapi śhaycucuycul ayaycaćhapämula:
“Llaquipayniyu taytáy,
llaquipaycälillämay-ari” nil.
14 Niptinmi paycunacta licalcul nila:
“Canan sasirdütiman sänu capäcuśhayquita licapäcuśhunayquipä cutipäcuy” nil.
Nilcuptin liculcalshi lishanpa sänayalcäñä.
15 Chayćhu jucnin sänaśhanta tantiaculculshi Jesusman cutimula Diosta alli callpawan alawaśhtin.
16 Chayćhümi Jesuspa puntanman unꞌulacuycul umanta pampäcama ćhulaycul:
“Sulpá callächun caypïta” nil anradisicula.
(Cay nunam ćhïninacuśhan Samaria-lädupïta cala.)
17 Chayćhümi Jesus nila:
“¿Ćhunca nunachućhari cay ishyayninpi sänu liyalcäla?
¿Maytan-nila isun nunaca?
18 ¿Cay Samaria-lädu nuna japallanchućh cutïmuñä Diosta alawänanpä?”
nil.
19 Nilculmi chay nunäta nila:
“Śhalcul licuy,
Diosman chalapacuśhayquipam sänaśha canqui” nil.
Cutimuyninpä imacuna pasanantapis Jesusmi yaćhachin
20 Juc-punmi fariseocuna Jesusta tapula:
“¿Imayćha Diospa gubirnun allaycunꞌa?”
nil.
Niptinmi:
“Manam aläjapachu ćhämunꞌa.
21 Mayanpis manam ‘¡Cayćhümi,
wicćhümi licalïñä!’
ninan canchu,
Diospa gubirnun amcunap ćhawpiquićhu cayaptinñá” nila.
22 Chay nilcuśhanpïmi unascactá yaćhapacünincunacta willala caypi cay nil:
“Amcuna yaꞌawan uchucllactapis cayta munapäcunayqui üraca ćhämunꞌañaćh.
Masqui maynu munapaptiquipis manam caśhächu.
23 Rasunpam limaycuna ćhämuśhunqui:
‘¡Cayćhümi cayäñä;
wicćhümi cayäñä!’
ütac ‘Cutimuñämi’ nil.
Chayta quiril ama ashipämaychu.
24 Aśhwanpa yaꞌa Rasun Nunap Chulinca cutimuptí inti yalamunanpi aśhta inti jiꞌalpunancama,
sumä wacli uyaypa camalämuśhancänümá canꞌa.
25 Ñatac puntactá cay wiñay nunacunap jamuyal ñacachishalämi caśhä.
26 “Yaꞌa Rasun Nunap Chulincäpa cutimuyní Noé timpućhu pasaśhannümi canꞌa.
27 Manaläpis chay tamya fisyu ćhämuptinlämi llapa nunacunäpis upyayllacta,
casaracuycunallacta,
fistacunallacta jawca lulacuyalcäla aśhta Noé barcunman yaycunancama.
Chayćhu Noëllam salbacula;
juccunacá mayćhu caśhanpis manam camalalachu.
28 Chaynütacmi Lot timpupis pasala.
Nunacunaca micuyalcäla,
upyayalcäla,
imactapis lantinacuyalcäla,
wasichacuyalcälapis.
29 Chaynu jawca cayaptinpis Lot chay Sodoma malcäpi yalamuptin-pacham Dios nina fisyucta caćhalpaycamul lluy camacaycüla.
Jinaptinmi chay malcantin nunacunaca ućhpaman muyüla.
30 “Chaynümi yaꞌap cutimuynïćhüpis canꞌa.
31 Mayanpis wasinpa altuśhninćhu cäcunaca imallanta juluycunallanpäpis timpu manañam canꞌañachu.
Ćhaclanćhu cäcunäpis müdanallanta juntulcü cutipämunallanpäpis timpu manañam canꞌañachu.
32 Yalpaćhaculcay Lotpa walminta ima pasaśhantapis.a
33 Cawsayninta ama-pacha nïcá cawsaynintamari apacunꞌa.
Yaꞌa-laycu bïdantapis uycücämi ichá cawsaycunꞌa.
34 “Chay tuta masqui ishcay puñuyalcaptinpis jucninmi puśhacuśha canꞌa,
jucninñatacmi caćhaycüśha canꞌa.
35 Chaynütacmi ishcay walmicuna aꞌayalcaptinpis jucnin puśhacuśha canꞌa,
jucninñatacmi caćhaycüśha canꞌa. ˻
36 Chaynütacmi ishcay nunacuna ćhaclaćhu talpuyalcaptinpis jucninꞌa chincacunꞌa,
jucninꞌa quïdälunꞌa˼” nila.
37 Chayćhümi yaćhapacünincuna tapula:
“¿Mayćhütan?
¿Imaytan?”
nil.
Niptinmi:
“Aycha captinꞌa uyaypam wisculcunab muyupäcun.
Amcunapäpis uyaypatacmi canꞌa” nila.