Cay libructa Tayta Diospa willacünin Nahummi isquirbila. Cayćhu willamanchic Asiria lädu juyu-juyu capäcul juc nasyuncunäta ñacachishantam. Chay timpu Asiria lädu, sumä-sumä juyunnin nasyun calmari, maquinćhu cä Juda lädu nunacunätapis ñacapäcuśhanta licapäcul sumä cushiculcäla. Chulincuna, walmincuna sumä awćhuculcäśhanta licapäculpis asipapäculamá. Willacü Nahummi Asiria nasyunpa puydïnin Ninive malcaman willacun; chayurá jinantin nasyunmanmari willacun.

Chaynu nasyunpïtapis mas munayniyu quiquin Tayta Dios caśhantam cayćhu niycun; chaynütac tincüninman mućhuycachinantapis willaycunmi. Ñatac Tayta Diosꞌa, chay ćhïnicünin Asiria lädup maquinpïtam malcanta libraycunꞌa.