Cay libructa Miqueasmi isquirbila. Tayta Dios limalicuśhanta Juda lädu mana cäsuculcaptinmi Miqueas sumä piñäśha cayäla. Juda läducunaca Samariaćhu Jerusalenćhu taytachacunacta alawapäcuśhanpïmi chay malcacunäta pampaman muyuchisha cananpä nila. Chaynütacmi puydïcunäpis munayninman atinïdu malcanta usuchipäcula. Chaymi chay lulaśhanman tincüta chay puydïcunätapis lulaycunꞌa: ćhaclanta waycaptinꞌa quiquin puydïcäpis waycaśham canꞌa; malcan ayaculcaptin puydïcunaca mana uyalïtuculcaptinꞌa, quiquin puydïcunäpis Tayta Dios yanapaycunanpä ayaculcaptin manamari uyaliycuśhachu canꞌa.

Chaynütacmi willacun, Tayta Dios malcanman limalicuśhanta mana unꞌaycunanta. Chay mana allin lulayninpi Tayta Dios pampachaycunꞌam, salbacüta caćhaycamunꞌam. Paymari paycunap michïnin caycunꞌa.