Cay libructa Habacucmi isquirbila. Cayćhu Juda lädu pasaśhanpïmi willacü Habacuc Tayta Diosman quijacun. Manamá tantianchu imapi chaynu pasaśhantapis. Nunacunaca mana allinta lulayalcaptinpis manamá mućhuycachishachu cala. Chaynu quijacuptinmi Tayta Dios tantiaycachin mana chalapacü Babilonia nasyunwan mućhuycachisha cananta. Chaymi Habacuc tapucun: “¿Imanuypam mana chalapacü nasyunwanlä Tayta Dios quiquinpa malcanta mućhuycayächinman?” nil.

Chaymi Tayta Dios niycun: “Mayanpis mana allinta luläcá wañunꞌam. Ñatac Tayta Dios nishanta uyalicücunacá cawsanꞌam” nil. Willacü Habacuc sulpäta uycun malcanta salbaycuśhanpïmi. Masqui prïsu puśhaśha cananta yaćhayalpis Tayta Diosman chalapacüśham taquicta taquiycun. Awari, cayćhu Habacuc quijacuptin-quijacuptin Tayta Diosñatacmi niycun-niycun.