Cay libructa Danielmi isquirbila. Cay libru ishcayman laquïshamari cayan. Punta süta capïtulucunäćhu licaycachimanchic Tayta Dios imanuypa Danieltawan quimsan müsu-masincunacta yanapaycuśhantam. Chaynüpam lluy nunacunaca tantiapäcula Daniel chalapacuśhan Dios, sumä munayniyu caśhanta. Daniel sumä manchacuywan allincämannu cawsaycuśhanpam Tayta Dios yanapaycula. Chaymi pasaypi mana allin lulä Babilonia, Persia, Roma nasyuncunaćhu Tayta Diosta manchacuywan sirbiycula.

Punta süta capïtulucunaćhümari Daniel tantiachin jucpa suyñuśhancunaca imapä caśhantapis. Süta camacalpuy capïtulucunaćhüñatacmi suyñuyninćhünu payta licachishancunäta willacun. Chayćhümi licaycun allaycuyninpi aśhta camacaynincama Babilonia, Persia, Roma nasyuncuna imanuy capäcunantapis. Chay licaśhanćhu camacan Tayta Dios gubirnaśhanwanmi.