Cay libructa Oseasmi isquirbila. Tayta Diospa willacünin Oseasmi nurti lädu israelcunäta willacula. Paymi willacula, willacü Amospa ipallanta. Chay lädu nunacunämi Tayta Diosta ipanchaycul taytachacunamanña muyucalcälila. Chaynu lulaynincuna sumä millachicuy caśhantam Tayta Dios camalaycachila. Jinalmi Oseasta nila watica wamlawan casaracunanpä, chulincuna payćhu cananpä. Chaynu walmica caćhaycul waticacü licuptinpis, caśhan cutiycachimunanpämi nin.

Tayta Dios malcanta manamá pasaypipä caćhaycülunchu, masqui maynu-maynu mana allinta lulayaptinpis. Mućhuycachishanpïtapis allincämanmi caśhan cutiycachin.