Tayta Diospa willacünin Ezequielmi cay libructa isquirbila. Babilonia nasyunpa mandacünin Nabucodonosormi Ezequieltawan ćhunca walanga (10,000) nunacunacta Judapïta Babiloniaman prïsu puśhacula.

Babilonia nasyunpa maquinćhu cayalcal israelcunaca sumämi llaquiculcäla. Chaynu Tayta Diospa alawana wasintawan Jerusalenta Babilonia nasyun camacaycüluptinmi waquincuna yalpala Tayta Dios munayniyu caśhanta. Chaymi cay librućhu Tayta Dios tantiachin munayniyu, mana juchayu chuya caśhanta, jinaman nunacuna juchacta lulaśhanpïta mućhuchinanta. Chaynütacmi tantiaycachin cuyaśhan nunacunäta juntuycul payta cäsucunanpä jinaman mushü śhunꞌuctawan Ispiritunta paycunaman uycunanpä caśhanta.