Cay librućhu yaćhaycachimanchic imanuypa allin yaćhaywan cawsaycunapämi. Nunacunaca yaćhayniyu cananchictam Tayta Dios munan. Juc tayta chulinta limapäśhannümi cay yaćhachicuycuna tantiapaśh cayan. Lluy taytamá chulinta cuyan. Paycuna allin yaćhaywan cawsapäcunantamá alcaycun. Yaćhayniyu nunacá Tayta Diosta lisinmi. Manchacuywanmi cawsaycun. Cay librućhümi niycamanchic allin cawsayniyu canapä, allincäta lulaycunapä, nuna-masinchiccunawan imanuypa cawsanapä, mana nunatucüśhalla canapä, pasinsiayu canapä, mandacüninchiccunawan imanuy canapäpis.