Eclesiastes ninanꞌa yaćhachicü ninanmi. Cayćhümi nunap cawsaynin imapä caśhantapis nimanchic. Chaynütacmi cay allpäćhu nunaca cawsaśhancama imacta ashiycunantapis niycamanchic.

Sumäta licayculmi tantiaycun nunap cawsaynin ash timpullapä caśhanta, imaymana ñacaycunap intüśha caśhanta, chaynütac nunaca yanꞌal cawsaśhantapis. Tayta Diosmi nunäta camala cushicuyćhu cawsananpä. Payllamá imactapis sumäta yaćhaycüca cäraycüca. Cay cawsaycäćhu Tayta Diospa llaquipayninwan cushisha caycuyca, lulaycuyca, yaćhayniyu cayca, jinaman lluy imayu caypis allinmi. Awari Tayta Diosta manchacuywan mayanpis cäsucuptinꞌa allinmi.