Imaymana tucanacunawanmi Tayta Diosta alawan
150
¡Tayta Diosta alawapäcuy!
Chuya yaćhanancäćhu Tayta Diosta alawapäcuy.
Janay pacha sumä cäcäćhu alawapäcuy.
2 Sumä lulaycuśhancunapïta alawapäcuy.
Sumä-sumä caśhanpïta alawapäcuy.
3 Curnitillacunawan alawapäcuy.
Arpacunawan,
lluy cuirda tucanacunawan alawapäcuy.
4 Pandirïtacunawan tuśhuśhtin alawapäcuy.
Gitarracunawan,
quïnacunawanpis alawapäcuy.
5 Chin-chinyä latillucunawan alawapäcuy.
Chan-chanyä latillucunawanpis alawapäcuy.
6 Chayurá ¡lluy jamalcücunaca Tayta Diosta alawapäcuy!
¡Tayta Diosta alawapäcuy!