Muśhü taquicunawan Tayta Diosta alawapäcuy.

Chalapacünincunap juntunacuynincunaćhu alawapäcuy.

2 Israelcuna,

lulaśhüniquipi cushiculcay.

Sionćhu cäcuna,

mandacüniquipi cushiculcay.

3 Tuśhuśhtinpis paypa śhutinta alawapäcuy.

Arpacunawan pandirïtacunawan taquishtin alawapäcuy.

4 Chaynu malcanpïmi Tayta Dios sumä cushicun.

Mana nunatucücunäta llalliycachiyninwanmari pay altuman ćhulaycun.

5 Payman chalapacücuna,

caynu sumä llallipäcuśhayquicunapi cushiculcay.

Cämayquicunaćhüpis cushicuypi taquipäcuy.

6 Shimiquicunawanpis Tayta Diosta altuman julaycäliy.

Jucnin maquiquićhüñatac ishcay lädun

afiläśha ispädayquita chalalay,

7 juc nasyuncunäta cutichicünayquipä,

juc malcacunäta camacaycünayquipä,

8 mandacünincunacta jïrru cadinacunawan ćhänänayquipä,

puydï nunancunacta llasä-cama cadinacunawan watänayquipäpis.

9 Caynu lulaycunqui cäraycunan muyun

camachishancämannu mućhuchisha cananpämari.

Caymá chalapacünincunapä sumä cushicuynin caycunꞌa.

¡Tayta Diosta alawapäcuy!