¿Imapïmi mana allincunaca pasan? ¿Imapïmi allin nunacunaca ñacananpä Tayta Dios caćhaycun? Awari, allin nunacunäta ñacaycuna pasaśhantamá licanchic. Cay librućhu willaycamanchic allin nuna Job ñacayta pasaśhantamari. Jobpa lluy aylluncunacta Satanaśhmi wañüchin camacaycun. Imapi ñacaycuna cay allpäćhu caśhanta Tayta Diosta Job tapuycuptin pay manamá imaninpischu. Aśhwanpam Tayta Dios juc tapucuycunawanmi tapuycun.

¿Imanuypam ñacaycunäta Job ćhasquiycun? ¿Chay ñacaycunäćhu jinallachun Tayta Diosman Job chalapacun? ¿Jucmanyälunchun, imanaytapis mana atipalchun imamanpis alacacülun? Cay tapucuycunapïmi cay librućhu licaycachimanchic, tantiaycachimanchic.