Salmos ninanꞌa taquicuna ninanmi. Cay librućhu achcam taquicuna cayalcan. Waquincuna ñacaycunacta pasayal quijacuśhancunam. Waquinnincunaćhümi Tayta Diospïta limayan. Waquincunaćhuꞌa Tayta Diospa malcanpïtam. Juccunaćhuꞌa Tayta Diospa ćhïnicünincunapïtam limayan. Waquinnincunaćhuꞌa quiquin isquirbïca imacunacta pasaśhancunapïmi limayan. Waquinnincunaćhuꞌa maynu sumä allin caycunapä imanuy cawsaycunapämi niycun.

Allincämannu cawsaycü nunacunäpis ñacapäcun, ishyaycunacta pasapäcun, pishipacuycunactamari pasapäcun. Mana allincäta lulä nunacunämi waquincunaćhuꞌa Tayta Diospa munayninmannu cawsaycü nunacunäta aticaćhapäcun. Chaymi waquincunaćhuꞌa llaquicuycunapi, piñacuycunapi limayalcan. Waquincunaćhuꞌa Tayta Diostam mañaculcan tincüninman chay ćhïnicünincunacta cutichicunanpä.

Caynu ñacaycunap pasayalcal caynu llaqui taquicunacta taquïcunämi cay Salmos librućhu cushiculcan.