Cay librućhu tantiaycachimanchic Babilonia läducunaca israelcunäta llallilcul prïsu puśhaculcäśhantam. Jinaptinmi juc nasyunpa maquinćhüña cawsapäcula. Chayćhümi tuquish-tuquish Ester wamlapis cayäla.

Ñatac chay timpu Asuerop mandacuyninćhu munaśhantam tuquishnin wamlacta walmin cananpä aclapäcü cala. Chaymi Persia lädu mandacüca, Ester wamlacta tuquishlla captin walminpä aclala. Ñatac chay Persia lädućhu Aman nishan puydïcämi ichá israelcunäta chincachiyta munala. Chaymi puydïninman atinïdu mandacücäta jicutapäla lluy israelcuna wañuchisha capäcunanpä. Chaynu cacuyaptinmi Israel malca-masincunacta salbaycunanpä Ester sumä yaćhaywan wayapan mandacücäta tantiaycachila.