Israel lädu Nehemias Persia lädu mandacücäpa maquinćhümi sirbiyäla. Chay timpupä Jerusalen malcan pampaman muyüchishamá cayäla. Chaymi cay librućhu willaycamanchic imanuypa Jerusalen malcäpa murällacta Nehemias śhalcachishanta. Paymari prïsu puśhaśha cä nunacunäwan israelman cutipämula. Chaypi murällacta śhalcalcälichilmi Tayta Diospa camachicuyninta lïgipäla. Jinaman chay nishanmannu cawsapäcunanpämi caśhan limaliculcäla.

Cayćhu tantiaycachimanchic Tayta Dios lulaycunapä nimäśhanchiccunacta sumä tantiaywan, cushishalla, juc nunanülla yanapänacuśhtin lulaycunapämi. Chaynütac ima ayca śhacamuptinpis mana jucmanyänapä, jinaman Tayta Diosllaman chalapacunapä, payllacta cäsucunapämari tantiaycachimanchic.