Juc malcayu walmicunätam alapacälälin
10
Jinaptin chay Tayta Diospa alawana wasinpa ñawpäninćhümi Esdras unꞌulacuycul waꞌaśhtin juchancunacta willapacul mañacuyäla.
Chaymanmi Israel lädu achca-achca walmicunapis,
wayapacunapis,
chulincunapis muyülïninman lluy-lluy cunćhacaycälimul apalcaćhaypa waꞌapäcula.
2 Chayćhümi Elam ayllu Jehielpa chulin Secanias,
Esdrasman aśhuycul nin:
“Tayta Diosninchicta ipanchalcul juc malcap walmincunawan casaracuśhanchicwan juchactam lulälunchic.
Chaynu cayaptinchicpis timpu cayanlämi.
3 Cananꞌari Tayta Diosninchicman limalicuśhun chay walmicunäta wawintinta-cama alupacünapä.
Amwan jinaman camachicuyta cäsucücunaca nipäcuśhayquimannuꞌari lulaycuśhun.
Camachicuy nishanmannuꞌari cäsucuśhun.
4 Canan śhalcuyꞌari;
cay ampa lulanayquimá.
Yaꞌacuna yanapapäcuśhayquimari.
¡Callpanchacul jucllaña lulayta allaycuy!”
nil.
5 Niptinmi Esdras śhalcuculcul awnipäcuśhanta lulapäcunanpä sasirdüticunap,
levitacunap puydïnincunactawan jinantin Israel läducta limalicachila.
Chaymi paycuna lluy limaliculcäla.
6 Chay Tayta Diospa alawana wasinpïtam Esdras llaquisha licula Eliasibpa chulin Johananpa wasinman.
Chayćhümi ancha llaquisha cayal yacuctapis,
micuytapis mana micul cayäla,
prïsu cutimücunaca Tayta Diosta ipanchapäcuśhanpïta.
7 Chaypïta prïsu caśhanpi lluy cutimu Judaćhu,
Jerusalenćhu cäcunämanmi caynu willacachimula:
“Jerusalenmanmi juntunacalcämunqui.
8 Puydïcunäwan yaśhacunaca nishanmannu prïsu caśhanpi cutimücunaca quimsa muyuncama mana ćhämücunaca alupacüśham canꞌa.
Jinaman lluy ima cänincunapis quitäśhatacmi canꞌapis” nil.
9 Nichiptinmi quimsa muyunpïtá isun quillap ishcay ćhunca (20) muyunninćhu Judawan Benjamin ayllucunaca Jerusalenman lluy juntunacälälimula.
Chay muyunmi lluy nunacunaca Tayta Diospa alawana wasip ñawpänin pampaćhu manchäśha catcataśhtin täcuyalcäla chay willacachimuśhanpi,
jinaman tamyamuśhanpi.
10 Chayćhümi sasirdüti Esdras śhalcuculcul nin:
“Juc caśhta walmicunawan casaraculcäśhayquiwanmi juchacunacta lulayalcanqui.
Chaynu lulapäcuśhayquiwanmari Israelpa juchanta masta tawayalcanqui.
11 Chayurá cananꞌa awquillunchiccunap Tayta Diosninmanñamari juchayquicunacta willapaculcay.
Jinalcul pay munaśhanta lulaycälil juc malcacunäpi,
mana Israel caśhta walmicunäpi japächaculcay” nil.
12 Niptinmi lluy nunacunaca callpa-callpawan nipäcula:
“Lluy nipämäśhayquitaćh lulaycälishä.
13 Ñatac tamya timpućhu cayaptinchic manam cay waśhaćhu unay cachwanchu.
Caynu juchacta achca-achca lulä cayalcalꞌa manamari juc ishcay muyunlla allichaycuchwanchu.
14 Chayurá ayllupi-cama puydïcunälla cayćhu pudirninchic quïdaculcächun.
Juc malcayu walmicunawan casaracücunäñatac unanchaśha muyunćhu śhapämuchun,
malcap puydïnincunawan,
yaśhancunawan.
Chaynu lulaycälishä Tayta Diosninchicpä piñacuynin yaꞌanchicpi chincanancamaćh” nil.
15 Ñatac caynu nipäcuśhanta Asaelpa chulin Jonatanwan Ticvap chulin Jahaziasllam mana awnipäculachu.
Paycunamanꞌa Mesulamwan Levi ayllu Sabetaillam śhalcapäcula.
16 Chaynu captinpis prïsu caśhanpi parti cutimücunäñatacmi chay nishanta lulapäcula.
Paycunapïmari quiquin sasirdüti Esdras ayllupi-cama puydïnincunacta munaśhanmannu aclala.
Paycunawanmi ćhunca quillap allaycuynin muyunpïta imanuy lulaycuśha cananpäpis sumäta licaycapäcula.
17 Chaynu licaycuyta camacapäcula wamä quillap wamä muyunninćhu juc lädu malcayu walmicunawan casaracücunaca imanuypis capäcunanpämi.
Juc malcayu walmicunawan casaracücunaca
18 Canan má,
chay juc malcayu walmicunawan casaracüśha cä sasirdüticunaca caycunam:
Josadacpa chulin Jesua,
jinaman aylluncunap milaynin Maasias,
Eliezer,
Jarib,
Gedaliaspis.
19 Paycunamari juc malcayu cä walmincunacta alapaculcänanpä limalicalcälil juchancunapïta juc ulu uwishta Tayta Diosman uycapäcula.
20 Imerpa milayninpïñatacmi Hananiwan Zebadias cala.
21 Harimpa milayninpïñatacmi:
Maasias,
Elias,
Semaias,
Jehiel,
Uziaspis.
22 Pasurpa milayninpïñatacmi:
Elioenai,
Maasias,
Ismael,
Natanael,
Jozabad,
Elasapis.
23 Levipa milaynincunapïñatacmi:
Jozabad,
Simei,
Kelita nishan Kelaia,
Petaias,
Juda,
Eliezerpis.
24 Taquïcunapïtañatacmi Eliasib cala.
Puncu täpäcunäpïñatacmi:
Salum,
Telem,
Uripis.
25 Juc Israel caśhtacunäpïñatacmi caycuna cala:
Parospa milayninpïmi:
Ramia,
Jezias,
Malquias,
Mijamin,
Eleazar,
Malquias,
Benaiapis.
26 Elampa milaynincunapïñatacmi:
Matanias,
Zacarias,
Jehiel,
Abdi,
Jeremot,
Eliaspis.
27 Zatup milaynincunapïñatacmi:
Elioenai,
Eliasib,
Matanias,
Jeremot,
Zabad,
Azizapis.
28 Bebaipa milaynincunapïñatacmi:
Johanan,
Hananias,
Zabai,
Atlaipis.
29 Banipa milaynincunapïñatacmi:
Mesulam,
Maluc,
Adaia,
Jasub,
Seal,
Ramotpis.
30 Pahat-moabpa milaynincunapïñatacmi:
Adna,
Quelal,
Benaia,
Maasias,
Matanias,
Bezaleel,
Binui,
Manasespis.
31 Harimpa milaynincunapïñatacmi:
Eliezer,
Isias,
Malquias,
Semaias,
Simeon,
32 Benjamin,
Maluc,
Semariaspis.
33 Hasumpa milaynincunapïñatacmi:
Matenai,
Matata,
Zabad,
Elifelet,
Jeremai,
Manases,
Simeipis.
34 Banip milaynincunapïtañatacmi:
Madai,
Amram,
Uel,
35 Benaia,
Bedias,
Queluhi,
36 Vanias,
Meremot,
Eliasib,
37 Matanias,
Matenai,
Jaasai,
38 Bani,
Binui,
Simei,
39 Selemias,
Natan,
Adaia,
40 Macnadebai,
Sasai,
Sarai,
41 Azareel,
Selemias,
Semarias,
42 Salum,
Amarias,
Josepis.
43 Nebop milaynincunapïñatacmi:
Jeiel,
Matatias,
Zabad,
Zebina,
Jadau,
Joel,
Benaiapis.
44 Lluy paycunamari juc malcayu walmicunawan casaracälälisha capäcula.
Waquinnincunallamari chuliyu capäcula.