Sion malcapi yalpalcul waꞌaculcälá.^a

2 Chay malcaćhu sauce nishan lantacunämanmá

arpäcunactapis walcapäculá.

3 Uyway nunanpä puśhamäcunämari taquipäcunäpä nipämäla.

Imactapis waycäcunämi cushicuywanlä taquipäcunäpä nipämäla:

“Malcayquipïtari má taquiycäliy” nil.

4 ¿Imanuypamá juc caśhtap malcanćhülä

Tayta Diosta taquicunawan alawaycälïman?

5 Ay,

Jerusalen,

Jerusalen,

amta unꞌäluptí allï maquí chaquïsha cachun.

6 Am Jerusalenta mana yalpaptiꞌa,

amta altuman mana juluycuptiꞌa,

ampi sumä mana cushicuptiꞌa allú lluy culpacacächun.

7 Tayta Diosllay,

Edom lädu nunacunäta cutichicüluyꞌari.

Paycunamá Jerusalenta llallïläliptin nipäcula:

“Camacaycüluy-camacaycüluy.

Aśhta simintuntapis lluy camacaycüluy” nil.^b

8 Ay,

Babilonia,

Babilonia quiquiquipis camacaycüśhamá canqui.

Cushiculcächun lluy lulapämäśhayquicunapi tincüniquiman amta cutiycachïca.^c

9 Cushiculcächun chuliquicunacta chalalcul

wancacunäman tupachiypa camacaycücunaca.