Tayta Diosllamanmi chalapacun
Jerusalenman ishpipäcul Davidpa taquishan.
131
Tayta Diosllay,
śhunꞌullá manam nunatucüśhachu cayällan.
Manamá mayantapis mana cäpä ñawí licayällanchu.
Manamá sumäcunaćhu puliypïchu ćhaquillá wañupacuyan.
Manatacmá ancha-anchapña cä lulaycunapïchu yaꞌa lücupacuyällá.
2 Aśhwanpamari chayllalä mamanpi wasiycüśha iñachanu
jawcalla upälla cayällá.
Awari,
chayllalä wasiycüśha iñachanümá jawcalla yaꞌa cayällá.
3 Israel masïcuna,
cananpis imaypis
Tayta Diosllamanꞌari alcaycuy.