ñacaynïpi ayacamullac.^a

2 Taytallay,

mañacuylläta uyaliycallämay.

Ayacuylläman uyat-uyat caycullay.

3 Tayta Diosllay,

juchäcunacta yalpalayaptiquiꞌa

¿mayanmá ñawpäniquićhu caycuchwan?

4 Ñatac amꞌa pampachaycümari canqui.

Chaymari manchacuywan licaycuśha canqui.

5 Tayta Diosllactamá alcaycú.

Llapan śhunꞌüwanmá alcaycú.

Paypa shiminmanmá chalapacú.

6 Malca licäca achicyänanta alcäcänu,

malca täpäca wälananta alcäcänümari

Tayta Diosllaman yaꞌa alcaycú.

7 Tayta Diosllamanꞌari,

Israel alcaycuy.

Payćhümá llaquipayca sumä-sumä cayan.

Payllamá lluy libraycamäninchic.

8 Pay quiquinmá lluy juchanpïta

Israelta pampachaycul libraycunꞌa.^b