“Müsu caynïpi maynu-maynu sasachacuycunactam pasachipämäla.

2 Müsu caynïpi maynu-maynu llaquicunactam pasachipämäla.

Ñatac manamá llalliyta atipapämälachu.

3 Asutipäcamalmi waśhätapis äräśhactanu lulälälimäla.

Jatućhaćha śhuca-śhucactamá caćhaycälälimäla.

4 Tayta Diosñatacmi ichá tincüninman licaycüca.

Mana allin nunacunaca

ćhänalächimäśhanchicpïtamá caćhaycachimälanchic” nil.

5 Sionta ćhïnicücunaca

uyśhulächisha capäcul ayipäcuchun.

6 Wasip janancunaćhu wiñamü

ulacunänu manaläpis tuquicta wiñal chaquïlälichun.

7 Chay ulacunaca lutücäpa maquinman manamá juntacälinchu.

Watäcäpä malayninman manamá camanchu.

8 Aśhta pasäcunäpis chaycunacta ama nipäcuchunchu:

“Tayta Dios allinpä licaycälishunqui” nil.

Yaꞌacunapis Tayta Diospa śhutinćhu

allin caycälinayquipä manamari niycälishayquichu.