Tayta Diospa sirbïnincuna,

payta alawapäcuy.

Śhutinta altuman juluycäliy.

2 Cananpis imaycamapis Tayta Diospa

śhutin allinpä licaycuśha cachun.

3 Inti ishpimuśhan lädupi aśhta inti jiꞌalpunancama

Tayta Diospa śhutin alawäśha cachun.

4 Lluy nasyuncunapis Tayta Diospa maquillanćhümá cayan.

Sumä caynin sïlüpïpis mas jatunlämá cayan.

5 Janay pachäpïpis mas altunninpi mandacü

Tayta Diosninchicnuꞌa manamá mayanpis canchu.

6 Paynuꞌa manamá mayanpis canchu,

uyshucuycul janay pachällactapis cay allpällactapis licaycamücänuꞌa.

7 Paymá wacchacunäta altuman juluycun,

usuchisha cäcunäta anlacunäpïtamá juluycun.

8 Jinalcul puydïcunäwanlä taycaycachin,

malcanpa puydïnincunawanlämi taycaycachinpis.

9 Mana waćhacücunätapis wawiyüta

licaliycachilmá,

allicta cushiycachin.^a

¡Tayta Diosta alawapäcuy!