chay juc nasyunpi,

israelcunaca yalapämuptinmi,^a

2 Tayta Diospa yaćhaycunanca Juda lädu licalïlun.

Jinantin Israel läduñatac mandacunanpä cala.

3 Paycunacta licälulmá lamarcäpis ayicula,^b

Jordan mayüpis śhaycuycula.^c

4 Ulꞌucunäpis ulu uwishcunänümá paćhcatityapäcula.

Ulꞌunpalcücunäpis uwishcunänümá paćhcaycaćhapäcula.

5 Am lamar,

¿imatá pasäśhulanqui ayicunayquipä?

Am Jordan mayu,

¿imapïmá śhaycuyculanqui?

6 Am ulꞌucuna ¿imapïtá ulu uwishcunänu paćhcatityayalcanqui?

Am ulꞌunyalcücunäpis ¿imapïmá uña uwishcunänu paćhcaycaćhayalcanqui?

7 Jinantin lluy allpa,

Tayta Diospa ñawpäninćhu chucchuyꞌari.

Jacobpa Tayta Diosninpa puntanćhu catcatayꞌari.

8 Paymá chaꞌacäta ućhaman licalïchila.

Paymá wancacunäpi pucyucta paćhyächimula.^d