Chayurá ¡jinantin allpaca cushiculcay!

¡Calu-calu lamarpa patanćhu cäcunaca cushiculcay!

2 Paypa muyülïninćhu lacta-lacta pucutaycunamá muyuyalcan.

Rasuncäwan,

tincüninman-cama licaycuycämá dispächunpa simintun.

3 Paypa ñawpänintamá nina walayäca puntayan.

Chaymi muyülïninćhu cä ćhïnicünincunacta camacaycülun.

4 Waclinmi jinantin pachäta acchiyan.

Chayta licälulmi allpäpis sumä chucchuyan.

5 Jinantin allpäpa duyñun Tayta Diospa

puntanćhümá^a ulꞌucunäpis wila-yupay chullupäcun.

6 Sïlucunämá tincüninman licaycu caśhanta willaculcan.

Lluy malcacunämá sumä cayninta licapäcun.

7 Taytachacunacta sirbïcunämi,

chaynütac taytachancunawan nunatucücunämi

pinꞌayman ćhulaśha capäcunꞌa.

Lluy-lluyꞌari,

quiquin taytachacunapis paypa puntanman uyshuycäliy.

8 Tayta Diosllay,

tincüninmancama

licaycuśhayquita uyalïlulmi Sion malcawan

Judapa malcancuna sumä cushiculcan.

9 Am Tayta Diosllay jinantin pachäpïpis

sumä altunninćhülämari cayanqui.

Lluy taytachacunap mas altunninćhülämá cayanqui.

10 Tayta Diosta cuyäcuna,

mana allin lulaycunacta ćhïnipäcuy.

Paymá chalapacünincunacta ñawillanćhu caycachin,

lluy juyu nunacunap maquinpïtamá libraycun.

11 Allincäta lulä nunacunäta Tayta Diosmá acchiycun.

Paypa munaśhanmannu cawsäcunacá cushicuyćhümi caycun.

12 ¡Am allin nunacuna,

Tayta Diosćhu cushiculcay!

¡Chuya caśhanpi alawapäcuy!