sumä cayninwanmá müdacülun!

¡Tayta Dios sumä-sumä cayninwan ćhulacüśham cayan!

Anmi jinantin allpätapis tacyaycachinqui mana cuyuchisha cananpä.

2 Allaycuycäpïmi dispächuyqui masïsu tacyaycun.

Mana imapis caśhanpïtalämá am caycunqui.

3 Tayta Diosllay,

mayucunaca ticlaypañam-ticlacuyan,

mayucunaca apalipäcunmi,

mayucunaca altu-altumanmi chapicacalcämun.

4 Ñatac janay pachäćhu cä Tayta Diosllay

sumä munayniyümi canqui chay alli-alli ticlaypa-ticlä mayucunäpïtapis,

altu-altuman lamarca wicapacamuśhancunapïtapis.

5 Tayta Diosllay,

yaćhachicuyniquicuna sumä chalapacuna mana cuyulïmá.

Chuya cayniqui wasiquićhu wiña-wiñaypä adurnuyquimá.