Tayta Diospa alawana wasin sumä allinmi
Corepa milaynincunap isquirbishan taqui.
87
Tayta Diospa malcanpa simintun
chuya ulꞌućhümi cayan.
2 Jacobpa lluy wasincunapïtapis mastamá
Sionpa puncunta Tayta Dios cuyan.
3 Tayta Diospa malcan,
ampïtamá
sumä allincunacta limaycälin.
Selah
4 Tayta Diosmari nin:
“Cay Rahab,a
Babilonia Filistea,
Tiro,
aśhta Etiopia malcacunäćhüpis lisipämanꞌamá.
Lluy paycuna Sionpïmá capäcun” nil.
5 Sion malcapïtañatacmi nipäcunꞌa:
“Wicpis caypis Sionćhümari näsila.
Janay pachäćhu cä Tayta Diosmari tacyaycachila.
6 Malcacunäpa śhutincunacta ćhulana
librumanmi Tayta Dios isquirbinꞌa:
‘Sionćhümi cay näsila’ ” nil.
Selah
7 Taquïcunäwan tucäcunäñatacmi nipäcunꞌa:
“Lluy-lluy allincunaca Sionpïmá unyayämun” nil.