Paycunap ćhawpinćhümi paycunacta Tayta Dios cäraycuyan:

2 “¿Imaycamatá mana tincüninman cäraycuyalcanqui?

¿Imaycamamá mana allin nunacunäman śhalcuyalcanqui?

3 Mana pïllanpis cäniyücunätawan mana taytayu-mamayücunäta śhalcapäcuy.

Ñacäcunätawan imallanpis mana cäniyücäta allinpä licaycapäcuy.^a

4 Llaquisha cäcunätawan pishipacuyćhu cäcunäta libraycäliy.

Mana allin nunacunäpa maquinpïta salbaycäliy.

5 “Amcuna mana yaćhapäcul,

mana tantiapäculmá

tutapäcäćhu puliyalcanqui.

Chaymá cay pachäpa simintuncunapis śhaśhacuyan.

6 “ ‘Amcuna dioscunam cayalcanqui nipäculacmi’.^b

‘Janay pacha Taytap chulincunam lluy cayalcanqui’ nipäculacmá.

7 Ñatac chaynu cayalcalpis lluy nunacunänümá supayapälälinqui.

Puydïcuna wañuśhannüllamá chincälälinqui” nil.

8 Canan,

Tayta Diosnillay,

cay jinantin pachäta cäraycunayquipä śhalcuyñari.

Jinantin pachäćhu nasyuncunaca maquillayquićhümá cayalcan.