Libraycunanpämi mañacun
Uycunacta yalpachiyninwan Davidpa isquirbishan; taquïcunäpa puydïninpämi
70
Tayta Diosllay,
ama chaynu callaychu libraycallämayña.
Tayta Diosnillay śhamullayñari yanapaycamäní
2 Cawsaynïta camacayta munäcunaca
pinꞌayman ćhulaśha,
pantächisha capäcuchun.
Mana allinnïta lulay munäcunaca
pasaypi pinꞌacüśha ayipäcuchun.
3 Yaꞌapïta burlacücunaca cärantapis
pampäman śhaticuycul ayipäcuchun.
4 Amta ashïcunacá amćhu sumä-sumä cushiculcächun.
Am salbaycunayquita wañupacücunacá imaypis nipäcuchun:
“Tayta Dios altuman juluycuśha cachun” nil.
5 Tayta Diosllay,
yaꞌa mana imäpis cäniyüca llaquillaćhümi cayällá.
Jucllañari yanapaycallämay.
Anmá yanapaycamäní canqui;
anmá libraycamäní canqui.
¡Tayta Diosllay,
jucllañari śhaycamuy!