Cay mana allin nunacunäpi yaꞌactari śhalcalcallämay.

Artish juyu nunacunäpïta libraycallämay.

2 Am Tayta Diosnïmari sumä masïsu murällänu pacaycamäní cayanqui.

¿Imapïmá caćhaycämanqui?

¿Imapïmá ćhïnimänïcuna ñacachimaptin llaquicuyćhu puliyällá?

3 Acchiquitawan rasunniquita caćhaycamullay.

Chayćha chuya ulꞌuyquiman caminaycamanꞌa.

Chayćha am yaćhaśhayquiman puśhaycamanꞌa.

4 Chaynüpam am Tayta Diosnïpa uycuna patacninman ćhayculläśhä.

Am sumä cushicuyta uycamänïmanmari ćhayculläśhä.

Chayćhümá am Tayta Dioslläta arpawan alawaycuśhayqui.

5 Śhunꞌullay,

¿imapïmá jucmanyäśha cacuyanqui?

¿Imapïmá llaquisha cacuyanqui?

Tayta Diosllamanꞌari chalapacuy.

Payta alawaycuśhälämi canpis.

Paymá salbaycamäní.

Paymá Tayta Diosní.