pampachaycuśha cäcunaca,

juchancunapi chuyanchaycuśha cäcunaca.

2 Maynu cushicuymá juchancunacta

manaña imaypis Tayta Dios yalpalcuśhancunaca,

ingañacuycunallacta śhunꞌunćhu mana uywäcunaca.^b

3 Chaynümi yaꞌapis mana willapacul

muyun-muyun waꞌaptí aychäpis pasaypiña jucmanyacalpula.

4 Maquiquita ćhulaycamaptiquimá

tutay-muyun llasacalpamäla.

Usya timpućhu acachaycäwan

awïcänüñamá aychá muyucalpula.

5 Ñatac “Tayta Diosman

mana allinnïcunacta willapacuśhä”

nilmi imallactapis mana pacaycul juchäcunacta willayculac.

Jinaptïmi am pampachaycamälanqui.^c

6 Chayurá Taytallay,

chalapacü masïcuna

llaquicuyninćhu amta ayacalcämuchun.

Jinaptinmá achca-achca yacu paćhyamücäpis

paycunaman mana ćhaycunꞌachu.

7 Anmá pacaycamäní canqui.

Ñacaycunäpi licaycamanqui,

libraycü

taquicunallactamá muyülïnïćhüpis caycachinqui.

8 Tayta Diosmi nin:

“Yaꞌami tantiaycachishayqui,

mayninpa linayquipäpis caminaycuśhayqui,

limapayculmi ñawilläćhu uywaycuśhayqui.

9 Amari cawallunu ütac mulanu

mana tantiayniyu capäcuychu;

chay uywacunäta aśhuycachimunchic watucunawan

jaquimacunawanlämi.

Quiquillanpïtá manamá śhapämunchu” nil.

10 Mana allin nunacunacá sumä-sumä nanaytamari apapäcunꞌa.

Chalapacünincunactam Tayta Dios

imaypis ama-pacha niycun.

11 Am allin nunacunaca,

Tayta Diosćhu sumä cushiculcay.

Am allin śhunꞌuyücuna,

taquicunawan cushisha alawapäcuy.