Munayniyu sumä cayninpïta altuman julaycäliy.

2 Śhutin sumä-sumä caycuśhanpïta alawaycäliy.

Sumä chuya caśhancäćhu altuman julaycäliy.^a

3 Lamarcäpa suynayninpïtapis

mas-mastalämi Tayta Dios limamun.

Sumä cä Tayta Diosmá räyunu limalpamun.

Tayta Diosmá jatu-jatun lamarpa

jananćhülä sumä-sumä limalpamun.

4 Tayta Diospa limaynin sumä munayniyümá.

Tayta Diospa limaynin sumä-sumämá.

5 Tayta Dios limamuptin cedro ilucunäpis ñutülunmá.

Tayta Dios niycuptin Libano ulꞌüćhu

cä cedrocunäpis amllülunmá.

6 Libano ulꞌuctamá malta wäcactanu paćhcaycaćhachin.

Sirion^b ulꞌuctamá munti wäcactanu paćhcaycaćhachin.

7 Tayta Dios limaptin nina walayänülamá yalatityamun.

8 Tayta Dios limaptin chunyä ulꞌuctapis chucchuchinmá.

Tayta Diosmá Cades chunyä ulꞌuctapis chucchuchin.

9 Tayta Dios limaptin encina jatun

ilucunactapis wicman caymanmi iwicaćhälun.

Sumä munticunätapis calanllactamá caćhaycülun.

Alawana Wasinćhümá sumä

cayninpïta lluy-lluy alawapäcun.^c

10 Tayta Diospa maquillanćhümá tamya fisyupis cayan.

Tayta Dios wiña-wiñay mandacü cananpämi taycucuycun.

11 Tayta Diosmá malcanta callpacta uycücá.

Tayta Diosmá malcanta allinpä

licaycul jawcallaćhu caycachïcá.