¿Mayanmá chuya ulꞌuyquićhu caycunman?

2 Yaćhaycunꞌa tincüllanman lulaycü

allincällaćhu cawsaycücällamá,^a

śhunꞌunpi yalamü rasuncällacta limaycücällamá,

3 mayantapis mana tumpäcällamá,

nuna-masinpa mana allinninta mana ashiycücällamá,

bisinunpa waśhanta mana limäcällamá.

4-5 Chaynütac yaćhaycunman:

Tayta Dios millachicuśhanta millachicücällamá,

pay allinpä licaycuśhancäta allinpä licaycücällamá.

Chaynütac masqui quiquinpa mana

allinninpä cacuptinpis limalicuśhancäta lulaycücällamá,

illaytapis milaynintinta mana mañaycücällamá,

mana juchayücäpa cuntran lulananpä

imallactapis^b mana ćhasquiycücällamá.

Caynu cawsaycücá imaypis allincäćhümá tacyaycunꞌa.