¿Wiña-wiñaypächun unꞌämanqui imamá?

¿Imaycamañatá yaꞌapïta pacacuycunqui?

2 ¿Imaycamañamá llaquillaćhu cayäśhä?

¿Imaycamatá śhunꞌullá walan-walan ñacaycunꞌa?

¿Imaycamañamá ćhïnicünïcunap maquinćhu cayäśhä?

3 Tayta Diosllay,

licaycamalꞌari uyaliycallämay.

Tutawyä wañuycäćhu mana puñunäpä ñawilläta licaycachillay.

4 Chay ćhïnicünïcuna “llallïluꞌari” nil ama nipäcuchunchu.

Palpüluptïpis ama asipapämächunchu.

5 Yaꞌañatacmi ichá cuyacuyniquiman chalapacú.

Salbaycamaptiqui śhunꞌullá cushicunmá.

6 Allincäta yaꞌawan lulaycuśhanpïmá

Tayta Diosta taquicunawan alawaycuśhä.