Chayurá,

¿imanuypatá niyämanquiman?

“Ulꞌucunäman ulpaynu ayiculcay.

2 Mana allin nunacunämari flïchanta allichacuyalcan,

pacaläśhancunapi allin nunacunäta ćhächinanpä.

3 Simintäśhanu lluy allincunäpis pampaman

muyüśha cacuyaptinꞌa

¿imactañamá allin nunaca lulaycunman?”

nil.

4 Má,

Tayta Diosꞌa alawana chuya wasinćhümari cayan.

Janay pachäćhümá Tayta Diospa dispächun cayan.^a

Lluy nunacunaca ima lulapäcuśhantapis

sumä-sumätamari licapayämun.^b

5 Tayta Diosꞌa juchayücätapis

mana juchayücätapis sumätamari licaycun.

Mana allin lulaypi wañupacü

nunacunätá sumä-sumätamá ćhïnicun.

6 Mana allin nunacunäman nina walayä

śhanśhactawan asufrictamá tamyachimunꞌa.

Nisyu-nisyu waywacta licalilcachimulmi

tincüninmannu lawćhaycachinꞌa.

7 Caynu lulaycunꞌa Tayta Dios tincüllanman

licaycü calmi;

jinaman tincüllanman

lulaycäpis śhunꞌunćhu cayaptinmari.

Chaymi allincäćhu cäcunaca quiqui-quiquinwan tincuycunꞌa.