Tayta Diosta mañacun yanapänanpä
Chulin Absalonpïta David ayishanpi taquishan.a
3
¡Tayta Diosllay,
ćhïnicünïcuna
achca-achcamá timpuyalcan.
Cuntrá śhalcücunaca alli-allimá cayalcan!
2 Achca-achcamá nipäman:
“Tayta Dios manamá libraycunꞌachu” nil.
Selahb
3 Ñatac am Tayta Diosnïmi pacaycamäní,
altuman julaycamäní,
callpanchaycamäní caycunqui.
4 Apalcaćhaypa Tayta Diosta mañacuptïmi
chuya ulꞌunpïta uyaliycalläman.
Selah
5 Pay yanapaycamaptinmi jawcalla ćhaćhaycüpis,
puñuycüpis,
śhalcuycüpis.c
6 Walanganninpi ćhïnicünïcuna
cunćhacaycälimaptinpis manamá manchacuná canchu.
7 ¡Tayta Diosllay,
śhalcuyꞌari!
¡Salbaycallämay,
Taytallay!
Ćhïnicünïcunacta cäraćhu uycüluy.
Mana allin nunacunäpa quiluntapis amshüluy.
8 Am Tayta Diosllämi salbaycüca canqui.
¡Malcayquita allinpari licaycuy!
Selah