Rut manam Israel caśhtachu cala, sinuꞌa Moab lädu walmim. Micuy wanay cacuyaptinmi, Moab läduman Elimelec walmin Noemiwan, ishcay walaśh chulintin liculcäla. Chay Moab lädu wamlacunawanmi ishcay walaśhnin casaracälälila. Chaypïta mana unaytam Elimelec wañucula, chaynütac ishcay walaśh chulinpis wañuculcäla.

Chaymi Noemi malcanta cuticuptin llumchuynin Rut malcanta, aylluncunacta caćhaycul suydranwan licula. Jucnin llumchuyninꞌa malcanćhümi quïdacula. Noemi llumchuynin Rutwan malcanta ćhäläliptin sasam cala. Masqui chaynu cacuptinpis imactapis mana manchaculcalmi puntaman lipäcula. Chayćhümi Boozwan Rut cuscäla. Paymi alma wayapanpa ayllun cala. Rutpa willcan Davidmi cala.