Samuelmi Tayta Diospa wamä willacünin cala. Paymi wamä mandacücunäta japächaycula. Cay Samuel punta librućhu willamanchic Samuelpa, Saulpa, Davidpa cawsaynincunapïtam.

Israel lädup mandacüninpä Saulta ćhulaycunanpämi Samuelta Tayta Dios niycula. Israelpa ćhïnicünin Filisteo läducunäpi mandacü Saulmi libraycunan cala. Allaycuyllanćhuꞌa allin tincüllanmanmi imaćhüpis cawsaycula, pilyaycula. Chaypïtam Tayta Dios nishanta juc läduman ćhulaycul quiquinpa munaśhanmannu lulayta allacuycula. Jinaptinmi Tayta Dios caćhaycüla.

Chaynu Saul munaśhallantaña lulacuptinmi pudirnin mandacü cananpä Davidtaña Tayta Dios śhalcachila. Davidmi yalpaśha cala: mandacü Saulpa arpacta tucaśhanpi, Goliatta wañuchishanpi, juc pilyaycunaćhüpis llallishanpïta. Chaynu allincunacta David lulaycuptinmi mandacü Saul mana allinpaña licayta allacuycula. Ñatac gïrraćhu Saulta ćhächiptinmi quiquin Saul wañuyninta ashicüla. Chaypïtam Davidña Israel läducunäpa mandacünin cala.