Moab lädu Nebo ulꞌućhümi Moises wañucula. Egiptop maquinpïta Israel caśhtacunäta julalcamulmi Tayta Dios limalicuśhan allpanman ñaćhapayal wañucula. Chaymi Moisespa puydï yanapänin Josue malcacta puntaman puśhala.

Tayta Diosmi Abrahamman limalicula juc allpacta uycunanpä. Chay limalicuśhanca achca watañam pasäla. Moisespis wañuculañam, nunacunaca brunsicunapi, jïrrucunapi armacunacta lulayta yaćhapäculañam. Ñatac Israel caśhtacunäta Tayta Dios limalicuśhan allpaman puśhaycunanpä Josue listum cayäla. Egiptop maquinman manañam cutiycapäcunan calachu, nïtac chunyäcäćhu yanꞌal muyuyalcänanpis calañachu. Ñatac chay allpaman yaycapäcunanpä Canaan, Jebus läducunäwanmi pilyapäcunan capäcula. Sumä-cama mandacücunäwanmi, alli-cama cachacuyücunäwan, sumä armayü-camacunäwanmari pilyapäcunan capäcula.

Tayta Diosta cäsuculcalꞌa llallipäcümari capäcula. Mana cäsuculcalñatacmi ichá ćhïnicünincunawan llallichicälälï capäcula.