Paulus haud de Gleubje von de Staut von Tessalonich, disen tweeden Breef, von onjefäa sas Moonat lota jeschräwen, no dän daut hee äant dän ieeschten Breef jeschräwen haud. Un derch disen Breef haud hee de Tessalonicha atelje Lieren bäta erkjläat, waut see noch emma nich hauden kloa jehaut. De Tessalonicha hauden sea jeläden, wiel äant fa äa Gloowen sea vefolcht wort, un soo hauden see jedocht, daut see aul von dän Harn Jesus, en sien Jerechtsdach jestroft wort, un daut see äa Poat en Gott sien Rikj vespält hauden. Un soo haud Paulus äant disen tweeden Breef jeschräwen, om äant jeistlich Moot to toospräakjen, un om äant bäta to erkjläaren, daut see noch emma to Gott sien Volkj jehieeden, uk wan äant sea vefolcht wort, un daut Gott jerajcht es, un daut hee äare Vefolja nochmol rechten woat.