1 ဇဝ်ဖြာ ပီ ဝီ ဒမ် အုဝ် တဝ်း၊ “တဲး မဲ ဝီ ဟာဝ် ရွက့် အီဘိုန့် အီ ဟဲ့ လာယ် လုတ့် လာယ် လာယ် ဒီ ပါဝ် ပီ အိုင် အန်။ မဲ လုဝ် ရွက့် အန်။ တဲး န့ ပီ အုဝ် ဆီ ရွက့် ဂေ ဒူအီ အီဆာရေလ။ ဂေ ပီ ဘော ဟဲ့ ဝီ ကြိုပ် ဇဝ် ပေါ ကာဒင်၊ ဟဲ့ ဝီ အိုင် ဒီ ဟူမ် ဒီခ့လဲပ် ဘ့လေ မာငုန် ကာဟဝ်း အီ လှူ ဒီ ဇဝ် ပေါ ကာဒင်၊ အုဝ် ယီ ဆီနဲ့ ရွက့် ဂေ။”

2 အုဝ် မိူဝ် ဒိုဝ်း ရွိုန် ဂိုဝ် ဒီ ဖန် ဘူင့် ဘော ငှုဝ် ဘူ ခွန်၊ စိုဝ်း အန်။ 3 အုဝ် ကာလာင် ဒီ အန် တဝ်း၊ “မဲ လုဝ် ကွယ် ရိုမ် ဒူပ် အုဝ်၊ တဲး န့ ကော လှေန့် ကာဆဝ်။ မဲ တူ ပွိုန် ဘဲန် ယာ မာလမ်၊ အာဝ် ပွိုန် ကွယ် ကာဒိုက် ကာဒဝ့် ဒီ အီမာယ် အီ ဟဝ်။ ဆေ န့ ပါယ် တီ အုဝ် ဒီ ကွယ် ရိုမ် ဒူပ် မဲ။”

4 ခုဝ်၊ ဂေ ဒူအီ အီဆာရေလ မိူဝ် တူ မိုဝ်း ခုန်ဒီခမ်၊ တူ မိုဝ်း ဒါ ကာညာ၊ တူ မိုဝ်း ပီ ဒီ လှူ၊ တူ မိုဝ်း ရွင့် နာင် ကာနမ် ပီ ကြိုပ် ဂေ၊ တူ မိုဝ်း အာရိုပ် ရာင် ဘော တူ မိုဝ်း ဒူအီ အီ လှူ ဒီ ဇဝ်ဖြာ၊ န့ ကော လှေန့် ကာဆဝ်။ 5 ဝါယ် အန် တီ ဂေ ဒူအီ အီဆာရေလ ဘောကာဂ့လျီတ် ဒီ ဘော ဝီ တး ဒီ ဇဝ်ဖြာ ပီ ကြိုပ် ဂေ ဘော ဒူပ် လှုက်လှာန် အာဒါဝိတ် အူ ကာဒင် အီ မုး ခုန်ဒီခမ် ဂေ။ ဒေါ အန် တီ ဂေ ဒီ ဘော ဝီ ယုဝ် ဇဝ်ဖြာ။ ဂေ ဒီ ဘော ဝီ ပွိုန် မွင့်ကာရာ အီ ဘွတ် အီ မွှိုမ်။