ဝါယ် အန် တီ ဒူအီ ဝီ တွိုန် ဝီ ယဲတ့် အုဝ် ဟာဝ် ခဲင် ဟူင် ဆီငါ ဘွတ် အီ ကွယ် ခဲင် ဟုဝ် ဇဝ်ဖြာ။ အန် ဘော ဂဝ် ရွင့် အာ ညွင့် တွိုန်၊ အူ ညွင့် ဒဝ် ကာနိး။ 2 မာလုဝ်း အီ လိုပ် ခဲင် ဟူင် တီ မိူဝ် ကာဝဝ်း ဂိုဝ် ကာနိး။ နာ ကာဝဝ်း ရဲင် အန် ဘော အာ ဘ့လာက် ဖန် ကာနိး။ အန် ဘော ဂဝ် ဟူင် အီ ဆီငါ ဘွတ်။ နာ တူင့် အန် ဖွုန် ဂိုဝ် ကာနိး။ နာ ကာဝဝ်း အန် အာ ဂိုဝ် ကာနိး။

3 ဟဲ့ ဟွတ့်၊ အန် ပီ ဝီ ယဲတ့် အုဝ် လိုပ် ခဲင် ဟူင် ဘွတ် လွှိုမ် တူတ့် အီ ကွယ် နာ ခဲင် ဆိူတ်။ အန် ဘော ဂဝ် ရွင့် ဒီ မာလုဝ်း အူ ညွင့် အာ ကာနိး။ ရဲင် ခူပ် ကာဒဝ် မာလုဝ်း ဒဝ် ကာနိး ဘော အာ ဘ့လာက်။ နာ ကာဝဝ်း မာလုဝ်း ဘူ ကာနိး။ 4 အန် ဘော ဂဝ် ဟာဝ် နာ ခဲင် ဟူင် အီ ဆီငါ ဘွတ်။ နာ တူင့် အန် အာ ဂိုဝ် ကာနိး။ နာ ကာဝဝ်း အန် အာ ဂိုဝ် ကာနိး။ အန် ဝီ ကာလာင် ဒီ အုဝ် တဝ်း၊ “ဟူင် နီ မုး ဟူင် အီ ဆီငါ ဘွတ် လွှိုမ် တူတ့်။”

5 ဝါယ် အန် တီ အန် ဝီ ဂဝ် ရဲင် ဟုဝ် ဇဝ်ဖြာ။ နာ ဟေတ့် အန် ဒဝ် ကာနိး။ ဒီ ရဲင် ဟုဝ် ဇဝ်ဖြာ ဘော မိုဝ်း ဟူင် ဒီတဲတ် အီ ကာဒိုက် ဟာဝ် ကော ရူပ် ဒွန် ဘ့လာက်။ အူ ဟူင် နာ တူင့် အန် ဘော နာ ကာဝဝ်း အန် ဖွုန် ကာနိး။ 6 ဟူင် ဒီတဲတ် ဂေ တီ ဘော ကာတဲတ့် အူယ် ခြွင့်။ အူ ခြွင့် ပီ ဝီ မိုဝ်း ဟူင် အူယ် ဂိုဝ် ဟူင်။ ဟူင် ဂေ တီ တူ လိုပ် ခဲင် ဟုဝ် ဇဝ်ဖြာ။ အန် ဝီ ဒူတ့် လေး လဲပ် ဘ့လာက် နာ ရေတ့်၊ တဲး ဟူင် မန် ဆီချာ။ 7 ဟူင် ဒီတဲတ် အီ ကွယ် ရူပ် ဟုဝ် ဇဝ်ဖြာ တီ ခြွင့် နာ ကွာ ဟဲ့ တာင် လွှိုမ် ခြွင့် နာ တေတ့်။ န့ ဘော မိုဝ်း န့တဲင် စုး ဒီ ခြွင့် နာ ခြိုမ်၊ ဟုဝ့် ဒီ ကာတဲ၊ ဇမ် ဘော ခြွင့် နာ ဒဲင်။

8 အုဝ် ဘော ယိုဝ် ခြွင့် အီ ကွယ် ရူပ် ဟုဝ် ဇဝ်ဖြာ အီ ဘဲန် ဒင် အာဒါ ဟူင် ဒီတဲတ် တွိုန်။ န့ ကာဝဝ်း ဒဝ် ကာနိး အီ ပီ အူ မင် ဂဝ်။ 9 ရဲင် အီ ကွယ် နာ ရေတ့် ဒီ ဟူင် ဒီတဲတ် တွိုန်၊ နာ ဟေတ့် အန် ဖန် ကာနိး။ အီ မုး ဒီ ကာတဲ ဟူင် ဂေ တွိုန်၊ ဒူင် တူ မိုဝ်း မာဆေ အီ ဟဲ့ ကာဒိုက် ဒီ ရဲင် ဟုဝ် ဇဝ်ဖြာ 10 ဘော ဒီ ကာတဲ ဟူင် ဒီတဲတ် အီ မုး ဟူင် ဂေ ဒါ အီ လှူ ဒီ ဇဝ်ဖြာ၊ ဟဲ့ ကာဝဝ်း အာ ဂိုဝ် ကာနိး။ န့ ဘော ကွယ် ရူပ် ဟုဝ် ဇဝ်ဖြာ။ 11 န့ မိုဝ်း မာလုဝ်း အာ ဘူင့် အီ ဟာဝ် ဒီ ဟူင် ဒီတဲတ် တွိုန်။ အူ ဘူင့် ကွယ် ဘ့လာက် နာ ကွာ။ ပေါ အူ ဘူင့် ကွယ် ဘ့လာက် နာ တေတ့်။ န့တေန့် အီ ကွယ် ရူပ် ဟုဝ် ဇဝ်ဖြာ တီ၊ န့ ကာဝဝ်း ဖန် ကာနိး။

12 န့ မိုဝ်း ဟူင် ပီ ဆမ် ဂေ အီ မာငး နာ ဝဲင် ဟုဝ် ဇဝ်ဖြာ အီ ကွယ် နာ ဂေတ့် ဆီငဲ။ နာ ကာဝဝ်း အန် ဘူ ဂိုဝ် ကာနိး။ ဘော နာ ဟေတ့် အန် ကော ရူပ် ဖန် ကာနိး ဘော နာ တူင့် အန် ဒိမ် ဂိုဝ် ကာနိး။

13 ဒူအီ ဝီ တွိုန် ဘော ဝီ ဂဝ် ဟုဝ် ဇဝ်ဖြာ ဘ့လာက် နာ ရေတ့်။ နာ တူင့် အန် အူ မာယဝ်း ကာနိး။ ဝဲင် ဟုဝ် ဇဝ်ဖြာ ဘော ဟူင် တွိုန်၊ န့ ဘော လာယ် ကာတူင့် အူ မာယဝ်း ကာနိး။ 14 နာ အာတ့် ဟုဝ် ဇဝ်ဖြာ အီ ကွယ် နာ လေး ဆီငဲ၊ ဘော ဝဲင် ဟုဝ် ဇဝ်ဖြာ ဟဲ့ ကာဝဝ်း အူ မာယဝ်း ကာနိး။

15 အန် ပီ ဝီ ဂဝ် နာ တူင့် ကာင် ပေါ အူ ကာတု အီ ကွယ် ဘ့လာက် နာ ဂေတ့် ဆီငဲ၊ ဘော ဒူင် ပွိုန် ဟာဝ် ဒူအီ ဘော အာ ဘ့လာက်၊ န့ ကွယ် အူ မာယဝ်း ကာနိး။ န့တေန့် အီ လိုပ် ဟာဝ် ခဲင် ဂြး ခဲင် အီ ကွယ် ဒီ ဟုဝ် ဇဝ်ဖြာ ဘော အီ မုး ဒူင် ဆီငါ ဘွတ် ဘော ဒူင် ဆီငါ ဘွတ် လွှိုမ် တူတ့်၊ န့ ကွယ် အူ မာယဝ်း ကာနိး။

16 စုး ဒီ ဘိူန် အန် ကော ဇမ် ဒီ ကာဒဝ် ပါတဲင်၊ ဂေ ဟဲ့ ဝီ ကူပ် ဒိုက် ဘဲန်။ 17 ဒီ ရဲင် ဟုဝ် ဇဝ်ဖြာ တွိုန် ဘ့လာက် နာ ခဲင်၊ ဂေ ဟဲ့ ဒွက် ဒိုက် ရာင် ဘဲန် မျုဝ် ဘဲန် မျုဝ်၊ တဲး န့ ကော နုဝ့် ကော ဇမ် ဒီ မာနက် မာလုဝ်း တွိုန်။ 18 အာရိုပ် ပီ ဒွက် ဒိုက် ဂေ တီ၊ န့ ဘော မုး ရာင် ဟေ စိုက် ဘော ရာင် အာမူ အာမာတ် ဇဝ်ဖြာ အီ စိူဝ် ခေရုပ်။ အာ မျုဝ် တီ ဘော လာယ် ကာခန် ကော ရူပ် ဟူင် တွိုန်။ ရာင် အာမူ အာမာတ် ဇဝ်ဖြာ ဂေ တီ အူ ဒုဝ် ဘော မိုဝ်း နာ အာ မျုဝ်။ 19 နာ အန် အူ ဘ့လာက် မုး နာ အီမာယ် ဝီ မာငး ဒီ ရာင် ဟေ စိုက် အီ ကွယ် အူ ဘ့လာက်။ နာ ပေါ ဘ့လာက် ပီ နာ မာခြင်ဆီ၊ ဝီ မာငး ဒီ ရာင် ဟေ စိုက် ပေါ အူ ဘ့လာက်။ န့ ဘော ပါယ် တီ ကော ရူပ် ရဲင် တွိုန်။ 20 ဂေ ဟဲ့ ဘူင် ရာင် ဟေ စိုက် ဘော ရာင် အာမူ အာမာတ် ဇဝ်ဖြာ အီ စိူဝ် ခေရုပ်၊ တဲး န့ ဒိုက် ဒီ ရဲင် ဟုဝ် ဇဝ်ဖြာ ခဲင် ဟူင် အီ ဟဲ့ ဆီငါ ဘွတ်၊ စုး ဒီ နာ ခြိုမ် ကော ဇမ် နာ ဒဲင်။

21 ရွင့် မာလုဝ်း အီ လိုပ် ခဲင် ဟူင် အီ ဆီငါ ဘွတ်၊ န့ ဆီနာ။ မာလုဝ်း အီ လိုပ် ခဲင် ဟူင် အီ ဆီငါ ဘွတ် လွှိုမ် တူတ့် မိူဝ် ပါယ် တီ။ 22 န့ ဘော မိုဝ်း ကာစှူင့် လှူ အီ မုး ဟေ။ နာ စာ အန် အူယ် ကာနိး။ နာ တူင့် အန် ဘော နာ ကာဝဝ်း အန် အာ ကာနိး။ ကာတုဝ့် အန် ဘော ဘိူန် အန် ဘော ရဲင် အန်၊ န့ ဘော မုး တူတ့် ဟေ။ ဒူအီ ဝီ တွိုန် ဝီ တဝ်း ဒီ အုဝ်၊ “အာနီ န့ မုး မာတိန့် ပီ ဘ့လေး အုန် ဒီ အာတ့် ဇဝ်ဖြာ။” 23 ဒူင် ဆီငါ ဘွတ် ဘော ဒူင် ဆီငါ ဘွတ် လွှိုမ် တူတ့် ဘော မိုဝ်း ဘ့လ မာလုဝ်း အာ ဘ့လ။ 24 မာလုဝ်း ဂေ တီ ဒွန် မာလုဝ်း ပီ ဝီ မိုဝ်း ဘ့လ မာလုဝ်း အာ ဘ့လ။ န့ ဘော ဝိုဝ်း ဒီ ကာတဲ။ 25 ရာင် ဟေ စိုက် ဘော ရာင် အာမူ အာမာတ် ဇဝ်ဖြာ အီ စိူဝ် ခေရုပ်၊ ဂေ ဟဲ့ ဒိုက် ဘော ဒီ မာလုဝ်း အီ လိုပ် ဒူင် ဆီငါ ဘွတ်၊ တဲး န့ ပီ အီ ဒိုက် ဒီ ရဲင်။ န့ ဘော မိုဝ်း ဘဲန် အူ ဘ့လ ဘော ဆီဘ့လိုက် ဘ့လာက် နာ ရေတ့် ဒူင် ဟာဝ် လိုပ် ခဲင် ဂြး ခဲင် တီ။ 26 ဘ့လာက် နာ ဘြေတ့် ဂြး ခဲင် တီ၊ န့ ဝီ မိုဝ်း ကာဒဝ် ပါတဲင်။ ဂေ မိူဝ် ဟဲ့ ဒွက် ရာင် ဟေ စိုက် ဒီ ရဲင် အန်။