1 ဇဝ်ဖြာ ဝီ ကာလာင် ဂြုဝ်း ဒီ အုဝ် တဝ်း၊ 2 “အိုယ် ဂွန် ဒူအီ၊ မဲ ထာင် ဟေ မာငုန် ဟဲ့ မွှိုမ် လွှိုမ် ဟေ မျုဝ် ဟဝ်။း 3 မဲ ဟဲ့ ဒွိုမ် ဒိုဝ်း ရာ ဟေ မာငုန် တီ၊ ဘူင် အူ မျုဝ် အူ မျုဝ် အီ မွှိုမ် စ်ု။း ဂေ တူ ဒိုဝ်း ရျီး အန် ဘူင် ဘဲန် ဆာလန်၊ တဲး န့ ပွိုန် ဟွယ် ခြိုင်။ 4 ဂေ တဲး န့ ဘဲန် ဟေ ဒုဝ့် ခဲင် ငဝ်။ ဆေ ငဝ် ဟဲ့ ဟူမ် ဒီ ဒင် အန် ဟုဝ့် ဒီ ကာဒဲ့ အန်၊ အာဝ် ပွိုန် ဒိုဝ်း ဟေ တီ၊ ဘူင် မာဆေ။ 5 အာတ့် ကာဆိုမ် အန် ခဲင် ငဝ် မိူဝ်၊ အန် တူ မိုဝ်း အာဂျိုဝ် မာဆေ။ ဆေ ငဝ် ဟဲ့ ကာဆိုမ်၊ ဟဲ့ ဝီ ဘဲန် ကာဆဝ်း၊ န့ ဝဲ တူ မိုဝ်း ဒီခုဝ် မာဆေ။”

6 ခုဝ်၊ ဇဝ်ဖြာ အီ အိုပ် တူတ့် ဒွန် မျုဝ် တဝ်း၊ “ဟေ မာငုန် အီ ဟဲ့ ကွယ် ကာတဲ ဟေ ဒွန် မျုဝ် အီ ကွယ် ခဲင် ပြဲ လုဝ် ဘဲန် ဟေ ဒုဝ့် အီ ခဲင် ငဝ်။ ပါယ် တီ အုဝ် ဒီ ဝဲန် ဂေ ဒူအီ ခဲင် မိူင် ယေရူဆာလဲမ်။ 7 အုဝ် တူ စွယ် ဂေ။ ဂေ ပီ ဘော တဝ် လွတ် ဒီ ငဝ် မိူဝ်၊ ကုး ငဝ် ဒီ ဝီ ကာဆိုမ် ဂေ။ ပန် ဒီ ဒမ် အုဝ် မှာပ် ဒီ ဂေ တီ၊ ဘေ ဒီ ဘော နပ်၊ အုဝ် မုး ဇဝ်ဖြာ။ 8 ကူပ် တူ မိုဝ်း ဂေ နဝ်း ဆိူဝ် နဝ်း မှာန်၊ အုဝ် ဘူင် တဲး မိူင် ဂေ ဘဲန် ဒူင် ယေန် ဒူင် ငွင့် ဒူအီ။” ဇဝ်ဖြာ အီ အိုပ် တူတ့် ဒွန် မျုဝ် ဟဲ့ ကာလာင် ပါယ် တီ။