1 ဇဝ်ဖြာ ဝီ ကာလာင် ဂြုဝ်း ဒီ အာယေရေမီ အီ မုး ဒူအီ အီ ဘျာန် ဂြုဝ်း ဇဝ်ဖြာ။ အန် ကာလာင် လွင် ဂေ ဒူအီ ဖီလီထီ ဆိန့် အာတ့် တး ကာဂုဝ်း ခုန်ဒီခမ် မိူင် အဲဂိုပ် ဒီ မိူင် ဂါဆာ။

2 ဇဝ်ဖြာ ဟဲ့ ကာလာင် ပါယ် နီ။ “ဘ်ု ဘေ ယွတ်၊ န့ ပီ အိုမ် ဒီ တး နာ ကွာ ဘော မ့ပုန် တူတ့် ဘာင် အန်။ ဟဲ့ ဟွတ့်၊ န့ ဒီ ဘော ဝီ လှဲ ပီ အိုမ် ဘ့လဲင် တာင်။ အိုမ် တီ န့ ဒီ မ့ပုန် တူတ့် ကာဒါယ် ဘော အီ ကွယ် ဒဲင် ကာဒါယ် ဘော မိူင် ဘော တူတ့် ဒွန် မျုဝ် အီ ကွယ် ခဲင် မိူင်။ ခဲ့ ကွယ် ဂေ ဒူအီ ဒီ ယာမ် ဒတ်၊ တဲး န့ မိုဝ်း အီ ချွတ် ဂေ။ ဒူအီ ဘော ရဝ် ဘော မိူင် ဒီ က့လိုဝ် ဘော ငှုန် ဘောကာဂ့လျီတ်။

3 ဘေ ဒီ ဘော ယိုဝ် ဟမ် ဂိပ် မင်ပြွင့်၊ ယိုဝ် ဘော ဟမ် ကာလေန့် လက်လဝ် အီ ဆီနန် တး။ ဘေ ဒီ ယိုဝ် ဘော ဟမ် လက်လဝ် ပီ ပဝ့် ဂေ ဒါ ဆိုက် အီ ကာဘ့လဲပ် တး။ ဒေါ အန် တီ ဂေ အီ မုး ဂုန့်၊ ဂေ ဒီ ဒီလှး န့စမ်၊ တူ ဝီ စာဝ် ကာဘတ် ယွတ် ဂွန် ဂေ။

4 ခုဝ်၊ န့ ဟဲ့ ဇမ် ဆီငဲ ဒီ ပျာတ့် ဝဲန် ဒူအီ အာမျုဝ် ဖီလီထီ ဘောကာဂ့လျီတ်၊ ဝဲန် ဘော ဂေ အီ စွယ် အီ ဂမ် ဒါ ဆိုက် ဒီ မိူင် ထူရုဝ် ဂါယ် မိူင် ဆီဒူန်။ ဇဝ်ဖြာ ဒီ ဒိုဝ်း ဝဲန် ဂေ ဒူအီ ဖီလီထီ ဘော ဂေ ဒူအီ အီ ကွယ် ခူပ် အိုမ် နမ်မုက်ဆာရာ၊ ဂေ အီ ဆီ ဂိတ် ဆီ ကွယ် ဒဲင် ကာဒါယ် ကာတဲ အိုမ် ဒူင် စိူဝ် ကာရေဒေ။

5 ဂေ ဒူအီ ခဲင် မိူင် ဂါဆာ၊ ဂေ ဒီ ဘဲန် နဝ်း တျီ့၊ နဝ်း က့လိုဝ် ကာဆဝ်။ ခဲင် မိူင် ဂေ ဒူအီ အာဆာခေလူန် ဒီ ဘော ငွင့်။ ဂေ ဒူအီ ဖီလီထီ ဒီ ဘော လုဝ် က့လိုဝ် လုဝ် ယာမ် လှေန့် ခဲ့ မှဝ်။း

6 အိုယ် မဲ ဇဝ်ဖြာ၊ န့ ပီ မာပွါ့ လာင် မဲ အန် ဒီ ဘော ဒဲပ် လှေန့် ခဲ့ မှဝ်။း မှာန့်၊ တဲး မဲ ဝီ စျှီပ် အုန် ခဲင် ဘြာမ် အန်။ မှာန့်၊ တဲး မဲ တဲး အန် ကွယ် နှိမ် နှိမ်။

7 မာလဲ၊ မှဝ် အန် ဒီ ပါယ် ဒီ ကွယ် နှိမ် နှိမ်။း ဇဝ်ဖြာ ဟဲ့ တဲး အန် ဘူင် ဂါန် အီ ဆုင်ဖျာတ် အာမူ။ ဇဝ်ဖြာ ဟဲ့ ဘ့လေး အာမိင်၊ တဲး န့ လာယ် ကာဘး ဒီ ဒူအီ အီ ကွယ် မိူင် အာဆာခေလူန် ဘော ဂေ အီ ကွယ် ဘာင် အိုမ် နမ်မုက်ဆာရာ၊ တဲး န့ လာယ် ကာဂုဝ်း ဒီ ဒူအီ ဂေ တီ။”