1 ခုန်ဒီခမ် အာယောယာခိမ် အီ မုး ဂွန် အာယုဝ်ဆီယာ အီ မုး ခုန်ဒီခမ် အီ အိုပ် ဒူအီ အာယူဒါ၊ အန် ဟဲ့ ဘဲန် ခုန်ဒီခမ် အာဒါ ဖွုန် ဆီနမ်။ ဒေါ အန် တီ အာယေရေမီ ဝီ ကာလာင် ဂြုဝ်း ဒီ အာဘာရုက် အီ မုး ဂွန် အာနေရီ။ န့ မုး ဝါယ် ဟဲ့ ဟွတ့် ဒဲမ် အန် ဂြုဝ်း ဇဝ်ဖြာ ပီ ကာလာင် အာယေရေမီ ဒီ အန်။ 2 အန် တဝ်း၊ “အိုယ် အာဘာရုက်၊ ဇဝ်ဖြာ အီ မုး ဇဝ်ဖြာ ပီ ကြိုပ် ဒူအီ အီဆာရေလ၊ အန် ဟဲ့ ကာလာင် လွင် မဲ။ 3 အန် နပ် မဲ ဟဲ့ ကာလာင် ဒီ ဒုဝ် ဘြိမ် မဲ တဝ်း၊ ‘အုဝ် ဟဲ့ ခမ် နာ တူ မွှိုမ်။ ဇဝ်ဖြာ ဟဲ့ ဒိုဝ်း အီ က့လိုဝ်၊ ဝီ ပွါ တဲး န့ ဝဲ ဒုက် ညှာပ် ဒီ နဝ်း အုဝ်။ အုဝ် မိူဝ် ဟဲ့ နုန် ဟဲ့ ဒီလှး ဒီ ငှုန် ဒီ က့လိုဝ်။ အာဝ် ဟူ မိုဝ်း အီ ဒါခိုယ် မာဆေ ခဲင် နဝ်း အုဝ်။’”

4 ဇဝ်ဖြာ ဝီ ကာလာင် ဒီ အာယေရေမီ တဝ်း၊ “တဲး မဲ ဝီ ကာလာင် ဒီ အာဘာရုက် တဝ်း၊ ပဲ့ ဟဲ့ ကာဒုး အုဝ် ဒီ ဘူင်၊ အုဝ် ဒီ ဝီ ပျာတ့် ဝဲန် တဲး န့ လိုဝ် တူတ့်။ ပဲ့ ဟဲ့ ကာဒုး အုဝ် ဒီ ဆမ်၊ အုဝ် ဒီ ဝီ ရိုတ့် ဝဲန် အီ ကွယ် ခဲင် မိူင် တီ။ 5 ဆေ ဟီ ပါယ် တီ မဲ ကွဲ့ ဟြေတ့် အာမျုဝ် အီ ဘွတ် အီ မျာတ် အာဒါ မဲ။ ခုဝ်၊ အုဝ် ဒီ တဲး ဒူအီ ဘောကာဂ့လျီတ် ခမ် အာဖေ အာရေ။ အုဝ် ဒီ တဲး မဲ လွတ် ယမ်။ ဒူင် ဟာဝ် မဲ ဒွန် နာ ဒွန် ပ့လုဝ့် အုဝ် ဒီ တဲး မဲ လွတ် ယမ်။” ဇဝ်ဖြာ ဟဲ့ ကာလာင် ပါယ် တီ။