ဂေ အီ ဒွက် ဇိုမ် ဒီ ပဲ့ တီ၊ န့ ဘော မုး ဒါ ကာညာ တာင် အာနေဟာမီ အီ မုး ဂွန် အာဟာခီ ဘော အာဇေဒေကီ၊

2 အာဆေရာယာ၊ အာစာရီဘာယာ ဘော အာယေရေမီ၊

3 အာဘာဆူရာ၊ အာမာရီယာ ဘော အာမာလာခီယာ၊

4 အာဟာဒုတ်၊ အာဆေဘာနီ ဘော အာမာလုက်၊

5 အာဟာရိမ်၊ အာမေရေမုတ် ဘော အာအောဘာဒီ၊

6 အာဒါနေလ၊ အာဂီနေဆူန် ဘော အာဘာရက်၊

7 အာမေဆူလမ်၊ အာဖီယ ဘော အာမီယာမိန်၊

8 အာမာစီဖီယာ၊ အာဘီလာဂါ ဘော အာဆေမာယာ။ ဂေ ဘောကာဂ့လျီတ် မုး ဒါ အီ လှူ ဒီ ဇဝ်ဖြာ။

9 ဘော ဂေ ဒူအီ ခြိုဝ် အာလေဝီ၊ ဂေ အီ ဟပ် စိူဝ် ဂေ။ န့ မုး အာယောဆူ အီ မုး ဂွန် အာစာနီ၊ အာဘီနူအီ အီ မုး ဂွန် အာဟေနာတ အူ ဝီ ဘော အာကာတာမေလာ

10 ဘော ဂေ ဘီနွင် ဝေါဝဲ ဂေ တီ အီ မုး အာဆေဘာနီ၊ အာဟုဝ်ခီယာ၊ အာ​ဂေလီတာ၊ အာဘ့လဝ်ယာ ဘော အာဟာနန်၊

11 အာမီဂါ၊ အာရေဟူပ် ဘော အာဟာဆာဘီ၊

12 အာဇာကူရာ၊ ဘော အာဆေဘာနီ၊

13 အာဟုဝ်ခီယာ၊ အာဘာနီ ဘော အာဘေနီနူ။

14 ဂေ အီ မုး ဒါ တာင် အီ ယဲတ့် ဂေ ဒူအီ ကိူန်၊ န့ ဘော မုး အာဘာရူတ်၊ အာဘာဟာတ်မုဝ်အာပ်၊ အာအေလမ်၊ အာစာတု ဘော အာဘာနီ၊

15 အာပူနာနီ၊ အာဇာကာတ် ဘော အာဘေဘေ၊

16 အာတောနီယာ၊ အာဘီဂါဝီ ဘော အာတိန်၊

17 အာတ၊ အာဟေစကီယာ ဘော အာအေဇူရာ၊

18 အာဟုဝ်ခီယာ၊ အာဟာဆူမ် ဘော အာဘေဇာ၊

19 အာရိမ်၊ အာနာထူတ် ဘော အာနေဘေ၊

20 အာမာကာဘျာဆာ၊ အာမေဆူလမ် ဘော အာဟေဇီရာ၊

21 အာမေစာဘေန်၊ အာဇာဒူက် ဘော အာယာဒူအာ၊

22 အာဘ့လဝ်ထီယာ၊ အာဟာနန် ဘော အာနာယာ၊

23 အာဟုဝ်ဆေ၊ အာဟာနာနီယာ ဘော အာဟာဆူပ်၊

24 အာဟာလော၊ အာဘီလာဟာန် ဘော အာဆောဘေက်၊

25 အာရေဟုမ်၊ အာဟာဆာဘာနာ ဘော အာမာအာဆေယာ၊

26 အာဟီယာ၊ အာဟာနန် ဘော အာနန်၊

27 အာမာလုက်၊ အာဟာရိမ် ဘော အာဘာနာ။ ဒူအီ ဂေ တီ ဒွန် အီ ဟဲ့ ဟပ် စိူဝ် ဂေ ဒီ ပဲ့ တွိုန် ဒေါ ဒွက် ဂေ ဇိုမ်။

28 ခဲ့ ကွယ် ယေ အီ မုး ဒူအီ အီဆာရေလ ဘောကာဂ့လျီတ်၊ ဘော မုး ဒါ အီ လှူ ဒီ ဇဝ်ဖြာ၊ ဘော မုး ဒူအီ ခဲင် ခြိုဝ် အာလေဝီ၊ ဒူအီ အီ ဘ်ု ဟုဝ် ဇဝ်ဖြာ၊ ဒူအီ အီ တဝ်း မှုဝ် ဘော ဒူအီ အီ ဘူင် ဂါန် ခဲင် ဟုဝ် ဇဝ်ဖြာ၊ ယေ ဘောကာဂ့လျီတ် ဟဲ့ ကာယဝ်း ဒီ အာမျုဝ် ဒူအီ ဟဝ် အီ ကွယ် ခူပ် ယေ ကူပ် ဒူပ် ယေ ဒါရာ ဇဝ်ဖြာ ဘော ယေ ဘော အီဘိုန့် ယေ ဘော ဂွန် ယေ အီ ဟဲ့ နပ် ဒီ ထူမ်၊ အီ ဟဲ့ မိုဝ်း အာငျာန် 29 ဘော ဂေ အာမူ အာမာတ် ယေ၊ ယေ ဘောကာဂ့လျီတ် ဝီ ဒိူင် ဘော ကာဆဲန့် လွင် ဒီ ခမ် ယေ ဒီ ဘူင် ဒူပ် ဒါရာ ဇဝ်ဖြာ။ န့ မုး ဒါရာ ပဲ့ ဟဲ့ အာပ် ဒွါ အန် ဇဝ် ဒီ အာမုဝ်ဆဲ တွိုန် အီ မုး ဒဲစေန့် အန် ဇဝ်။ ယေ လာယ် ကာဆဲန့် တဲး ယေ ခမ် ဒီ ထူမ် ဒူပ် ဒါရာ ဇဝ်ဖြာ အီ မုး ဇဝ်ဖြာ ပီ ကြိုပ် ယေ။ န့ ဘော မုး ဒါရာ ဘဲန် မျုဝ် ဘဲန် မျုဝ် ဘော အာမိင် အန် ဘော ပီ ဒမ် ဇဝ်ဖြာ ယေ ဘူင်၊ ယေ ဟဲ့ ခမ် ဒီ ဒူပ်။ ယေ မိူဝ် ဒိူင် တဲး ဇဝ်ဖြာ ဒမ် ကာဆဝ် မှာပ် ဒီ ယေ ဆေ ယေ ဟီ လှိုဝ် ဟီ ဘ့လိူင်။

30 ယေ မိူဝ် ခမ် ကာဒိက် ဆတ်ဇာ လွင် အန် တီ၊ အာဝ် ပွိုန် တဲး ဂွန် အီဘိုန့် ယေ ခတ် ဒိုဝ်း ဒူအီ အာမျုဝ် ဟဝ်။ ဘော ဂွန် အီမာယ် ယေ၊ အာဝ် ဟူ ပွိုန် တဲး ဂေ ခတ် ဒိုဝ်း ဂွန် အီဘိုန့် ဒူအီ အာမျုဝ် ဟဝ် အီ ကွယ် ကာတဲ ယေ နီ။

31 ဆေ ဒူအီ အာမျုဝ် ဟဝ် ဘော တး ယွင့် ဒုဝ် ဆတ်ဒါဝါ ဘော ကြုဝ်ကြာမ် ဘော ပီ ဒီ ဟူမ် ဒီ ဟာပ် ဒေါ မုး ဆီငဲ ဘွတ်၊ ဆီငဲ ဒီလှဝ်၊ ယေ တူ ပွိုန် စိုဝ်း၊ အာဝ် ပွိုန် လာယ် ကာရဝ်း လာယ် ကာပ့လု ဒီ ဂေ။ ဘော ဆေ ဟီ ဇမ် ဆီနမ် မ့ဘူ ဒွန် ဇေန့်၊ ယေ တူ ပွိုန် ဘူင် မာန် ဂေ ဒူင် နာ။ နီ ပီ ထုက် အီ ဟဝ် ဒီ ယေ မိူဝ်၊ ယေ လုဝ် ခ့ဝါင် ဒီ ဂေ၊ အာဝ် ပွိုန် ဒိုဝ်း။

32 ဒွန် ဆီနမ် ဒွန် ဆီနမ်၊ ယေ ဒွန် အီ လုဝ် လှူ ရွိုန် ဆေခေန် အူယ် ဘုန် အူ ဘုန်။ တဲး န့ ဘဲန် ပီ ဒီ စ်ု ခဲင် ဟုဝ် ဇဝ်ဖြာ။ 33 ယေ လုဝ် လှူ ဘော အာဒါ ပီ ဒီ ကြိုပ် ယေ ဇဝ်ဖြာ ခဲင် ဟုဝ် ဇဝ်ဖြာ။ န့ ဘော မုး ခါမုန် ပီ လုဝ် ဘ့လေး ယေ ဒဲင် ကာစှူင့် ဘော ငှုဝ် ဒီဂါဝ် ပီ လုဝ် လှူ ဒွန် ဆီငဲ ဒွန် ဆီငဲ ဘော ဒုဝ် ပီ ဒီ လှူ အီ ဒုဝ့် ဒီ ငဝ် ဘော ပီ ဒီ လှူ ဒေါ မုး ဆီငဲ ဒီလှဝ်၊ ဆီငဲ လိူန်လပ် ဘော ဒေါ ဘူင် ယေ ဘ့လွယ် အာမျုဝ် ဟဝ်၊ ဘော ပီ ဒီ လှူ အီ ဂဝ်း ဝဲန် မှာပ် ဘော န့ကြိုဝ်း ပီ ဒီ တာ အီ ဆီငါ ဘွတ် ခဲင် ဟုဝ် ဇဝ်ဖြာ၊ ယေ ဟဲ့ ကာဆဲန့် ဒီ လှူ တူတ့် ဒွန် မျုဝ်။

34 ယေ ဘောကာဂ့လျီတ်၊ ဘော မုး ဒါ အီ လှူ ဒီ ဇဝ်ဖြာ၊ ဘော မုး ဒူအီ ခဲင် ခြိုဝ် အာလေဝီ၊ ဘော မုး ဒူအီ ရဝ် ဒူအီ ကာင်၊ ယေ ကာတာမ်၊ တဲး ယေ နပ်၊ န့ ဒီ စုဝ်း န့ဟူမ် မှဝ် အီ လုဝ် လှူ ဟေ ဒီ ကာစှူင့် လှူ အီ မုး ဒူင် ဒီ ဒုဝ့် ယေ ပီ ဒီ လှူ ဒီ ဇဝ်ဖြာ အီ မုး ဇဝ်ဖြာ ပီ ကြိုပ် ယေ၊ တဲး န့ ဘော ဒူပ် ပီ ဒမ် အုန် အန် ဇဝ်။ ဂေ ဘော လုဝ် လှူ ဟေ တီ အူ ဆီနမ် အူ ဇေန့်၊ အာခြာဝ် အာဆေ အာခြာဝ် အန်။

35 ဒွန် ဆီနမ် ယေ ကာဆဲန့် ဒီ ဘော ဒိုဝ်း ကာယူင့် ငှုဝ် ပီ ဆုဝ့် ယေ ဒီ အာတ့်၊ ဒိုဝ်း ဘော ဘ့လေ ပီ ပိတ် ပီ ဆမ် ယေ အီ မုး ဘ့လေ ဒင် အီ ဆိန် ဒီ ဟေ အန်၊ ဝီ လှူ ကြုဝ် တီ ခဲင် ဟုဝ် ဇဝ်ဖြာ။

36 ယေ ဒီ ဒိုဝ်း ဂွန် အီမာယ် ယေ အီ မုး ဂွန် ဂိန့်၊ တိုယ် ဂေ တး ဒူင် ကွယ် ဂေ ဒါ အီ လှူ ဒီ ဇဝ်ဖြာ ခဲင် ဟုဝ် ဇဝ်ဖြာ၊ လှူ ဂေ ဒီ ဇဝ်ဖြာ၊ တဲး န့ ဒူပ် ပီ ဒမ် အုန် ဒါရာ။ ယေ ဒီ ဘော လှူ ဘော မက်၊ မာဘူ ဘော မာပဲ အီ မုး ဒုဝ် ဂွန် ဂိန့် ဒွန် ဒုဝ်။

37 ယေ ဒီ ဘော ဒိုဝ်း ဘော ကာပဲ့ ခါမုန် အီ မုး ဒီဂါဝ် ပီ ဆုဝ့် ယေ ဒီ အာတ့်၊ ဝီ လှူ။ ယေ ဒီ ဘော လှူ ဘော ပီ ဒီ လှူ အာမျုဝ် ဟဝ် အီ မုး အိုမ် မာငုန်၊ နာမန် ဘော ဘ့လေ ပီ ပိတ် ပီ ဆမ် ယေ ဒွန် မျုဝ်။ ယေ ဒီ ဘော လှူ ဇိုဝ် တီ ဒီ ဂေ ဒါ အီ လှူ ဒီ ဇဝ်ဖြာ ခဲင် ဟုဝ် ဇဝ်ဖြာ။ ယေ ဒီ ဘော ဒိုဝ်း ဘော ငှုဝ် ဂေ ဒီဂါဝ် ဂိုဝ် ဘုန် အူ ဘုန်၊ ဝီ လှူ ဒီ ဂေ ဒူအီ ခြိုဝ် အာလေဝီ။ ခုဝ်၊ န့ မုး ဂေ အီ ဂဲပ် အုန် ဂိုဝ် ဘုန် အူ ဘုန် ဒီ ယေ ဒူအီ ဒွန် အီ အီ ရန့် မာန် ဂေ ဒူင် နာ ခဲင် ရဝ် ခဲင် မိူင် ယေ နီ။ 38 ဒါ အီ လှူ ဒီ ဇဝ်ဖြာ အီ မုး လှုက်လှာန် အာရူန် တွိုန်၊ အူ ဝီ လုဝ် ကွယ် ဒူပ် ဂေ ဒူအီ ခြိုဝ် အာလေဝီ ဒေါ ဂဲပ် ဂေ ဂိုဝ် ဘုန် အူ ဘုန် တီ။ ခဲင် ဂိုဝ် ဘုန် အူ ဘုန် ပဲ့ ဟဲ့ ဂဲပ် တး ဂေ တီ၊ ဂေ ဒူအီ အာလေဝီ ပီ ဝီ လုဝ် ဒိုဝ်း လေး ဂိုဝ် ဘုန် အူ ဘုန်၊ ဝီ ဟာဝ် အုန် ခဲင် ဟုဝ် ဇဝ်ဖြာ။ 39 ဂေ ဒူအီ အီဆာရေလ ဘော ဒူအီ ခြိုဝ် အာလေဝီ၊ ဂေ ဒီ လှူ ပီ ဒီ လှူ ဂေ၊ ဘော မုး ငှုဝ်၊ ဒီဂါဝ်၊ အိုမ် မာငုန် ဘော နာမန်၊ ဟပ် အုန် တူတ့် ဇိုဝ် တီ ခဲင် ဟူင် ဒူင် အုန် ဂေ ကြုဝ်ကြာမ် ပီ ဒီ တာ ဂေ ခဲင် ဟုဝ် ဇဝ်ဖြာ အီ မုး ဒူင် ကွယ် ဂေ ဒါ အီ လှူ ဒီ ဇဝ်ဖြာ။ ဂေ လုဝ် အုန် ကြုဝ်ကြာမ် တီ ဘော ဒီ ဒူင် ကွယ် ဂေ ဒူအီ အီ ဘူင် ဂါန် ခဲင် ဟုဝ် ဇဝ်ဖြာ ဘော ဒီ ဒူင် ကွယ် ဒူအီ အီ ဘ်ု မာလုဝ်း ခဲင် ဟုဝ် ဇဝ်ဖြာ ဘော ဒီ ဂေ ဒါ အီ တဝ်း မှုဝ်။ ယေ ဘောကာဂ့လျီတ် မိူဝ် ကာဆဲန့် ဒီ ဘူင် ပါယ် တီ။ ယေ မိူဝ် ဒီ ယွတ် လိုမ်လာ ဟုဝ် ဇဝ်ဖြာ ဆေဆေ။ ယေ တူ ဘ့လေး ဝဲန် အန်။