ဝါယ် အန် တီ ရဲင် မိူင် မိူဝ် ဟဲ့ ဟွတ့် မ့ပြာယ်။ မာလုဝ်း မိူင် မိူဝ် ဟဲ့ ဟွတ့် ဟပ်၊ အုဝ် ဘော ဝီ ဒါင် တဲး န့ မိုဝ်း ဒူအီ အီ ဘ်ု မာလုဝ်း မိူင် ဘော ဒူအီ အီ တဝ်း မှုဝ် ဘော ဂေ ဒူအီ ခဲင် ခြိုဝ် အာလေဝီ၊ တဲး ဂေ ဘူင် ဂါန် ဂေ။ 2 အုဝ် ဝီ ဒါင် ဒူအီ အာ ဝီ၊ တဲး ဂါယ် အိုပ် မိူင် ယေရူဆာလဲမ်။ ဒူအီ ဂါယ် တီ ဘော မုး အာဟာနာနီ အီ မုး ဝါ အုဝ်၊ ဘော အာဟာနာနီယာ အီ မုး ဒါ အီ အိုပ် ခဲင် ဟုဝ် ခုန်ဒီခမ်။ အာဟာနာနီယာ တီ၊ အန် ဘော မုး ဒူအီ အီ ရုဝ်ဆေ ဆီချာ ဇဝ်ဖြာ လွှိုမ် အီ ဟဝ်။ အုဝ် ဟဲ့ ပွိုန် ညှိုမ် အန်။ 3 အုဝ် မိူဝ် ဒမ် အုန် ဂေ တဝ်း၊ “ဆေ ဆီငဲ ညှမ် လေး၊ ဆေ ဆောဒါတ် ညှမ် ဂဲ၊ အာဝ် ပွိုန် ဝိုဝ်း မာလုဝ်း မိူင် ယေရူဆာလဲမ် ဂေ တီ။ အာတ့် ဂေတ့် ဆီငဲ လုဝ် ကာဘိတ် မာလုဝ်း ဟပ် ဆဲ အန်။ တဲး ဂေ ဒူအီ ခဲင် မိူင် ယေရူဆာလဲမ် ဘော ကွယ် ဘ်ု မိူင် ဂေ။ မင် အီ၊ တဲး ဂေ ဘ်ု ဒူင် ဒီ ဘ်ု။ မင် အီ၊ တဲး ဂေ ဘ်ု ခူပ် ကာင် အာဆေ ကာင် အန်။”

4 ဒေါ အန် တီ မိူင် ယေရူဆာလဲမ် ပီ ဘော ဟဲ့ မုး မိူင် တာင် မိူင် ကာဝဝ်း မိူဝ်၊ ဂေ ဒူအီ အီ ကွယ် ခဲင် မိူင် တီ ယီ ဆီ ပြေတ့်။ ဂေ မိူဝ် ညှမ် ပွိုန် ဆမ် ကာင် ဂေ။ 5 ဇဝ်ဖြာ ဘော ကာလာင် ခဲင် နဝ်း အုဝ်၊ တဲး အုဝ် ဒဲ့ ကာဇု ဒူအီ ဘော ရဝ် ဘော ကာင်။ ဘော ဂေ အီ မုး အာမူ အာမာတ် ဘော ဂေ ဒါ တာင် အီ အိုပ် မိူင်၊ တဲး အုဝ် ဘော တိး ဒီ နပ် ဇာရာင် ဂေ၊ တဲး န့ ဒူပ် န့ဟူမ် မှဝ် န့ဟူမ် အန်။ အုဝ် ဘော ဝီ ယိုဝ် ဇာရာင် ဂေ အီ ဟဲ့ ဝီ တး ခဲင် မိူင် တီ ဆိန့် အာတ့် နီ တွိုန်။ န့ ဘော မိုဝ်း ပဲ့ ဟဲ့ ဒဲမ် အုန် ခဲင် ဘပ် ဇာရာင် တီ တဝ်း၊

6 ဂေ ဒူအီ အီ ဟဲ့ ဝီ တး ခဲင် မိူင် ယေရူဆာလဲမ် ဘော ခဲင် ကာဒါယ် မိူင် ယူဒါ၊ ဂေ ဟဲ့ ကိူန် ကာဆဝ်။ ဂေ မိူဝ် ဟဲ့ ဝီ တး ကွယ် ရဝ် အာဆေ ရဝ် အန်။ ဒူအီ ဂေ တီ၊ ဒွန် န့ဟူမ် ဟဲ့ ကာဒုး အီ မှေတ့် ဟာဝ် ခဲင် မိူင် ဘာဘဲ ဒေါ မုး စုဝ် ဘာန် ခုန်ဒီခမ် အာနေဘူခတ်နေစာ။ 7 ဂေ အီ မုး ဒါ တာင် အီ အိုပ် အီ ယဲတ့် ဂေ၊ န့ ဘော မုး အာဇေရူဘာဘေန်၊ အာယောဆူ၊ အာနေဟာမီ၊ အာဇာရီယာ၊ အာမီနာ၊ အာဟာမာနီ၊ အာမုဝ်တာကေ၊ အာဘီဂါဝီ၊ အာမီဇာဘေရိတ်၊ အာဘီခါဝီ၊ အာနေဟုမ် ဘော အာဘာနာ။ ဇာရာင် စိူဝ် ဂေ ဒူအီ အီဆာရေလ အီ ဟဲ့ ဟာဝ် ဒူပ် ဒါ တာင် ဂေ ဝီ တး မိူင် ဂေ၊

8 န့ ဘော မုး လှုက်လှာန် အာဘာရူတ် ဂေ ကွယ် အာ ဟြဲန့် ဒီ အူ မာယဝ်း ဒီ ဘူ ဂိုဝ် ဒီ အာ ဝီ။

9 လှုက်လှာန် အာဆေဖာဒီ ဂေ ကွယ် အူယ် မာယဝ်း ဒီ ဘူ ဂိုဝ် ဒီ အာ ဝီ။

10 လှုက်လှာန် အာရာဟာ ဂေ ကွယ် ဒဝ် မာယဝ်း ဒီ ဖန် ဂိုဝ် ဒီ အာ ဝီ။

11 လှုက်လှာန် အာဘာဟာတ်မုဝ်အာပ် ဂေ ကွယ် အာ ဟြဲန့် ဒီ ဒါ မာယဝ်း ဒီ ဂိုဝ် ဒီ ဒါ ဝီ။ ဂေ ဘော မုး လှုက်လှာန် န့ကြိုဝ်း န့ကြာတ့် အာယောဆူ ဂါယ် အာယောဖ။

12 လှုက်လှာန် အာအေလမ် ဂေ ကွယ် အူ ဟြဲန့် ဒီ အာ မာယဝ်း ဒီ ဖန် ဂိုဝ် ဒီ ဖွုန် ဝီ။

13 လှုက်လှာန် အာစာတု ဂေ ကွယ် ဒါ မာယဝ်း ဒီ ဖွုန် ဂိုဝ် ဒီ ဖန် ဝီ။

14 လှုက်လှာန် အာစာခေ ဂေ ကွယ် ဘူ မာယဝ်း ဒီ ဒဝ် ဂိုဝ် ဝီ။

15 လှုက်လှာန် အာဘီနူအီ ဂေ ကွယ် ဒဝ် မာယဝ်း ဒီ ဖွုန် ဂိုဝ် ဒီ ဒါ ဝီ။

16 လှုက်လှာန် အာဘေဘေ ဂေ ကွယ် ဒဝ် မာယဝ်း ဒီ အာ ဂိုဝ် ဒီ ဒါ ဝီ။

17 လှုက်လှာန် အာဇာကာတ် ဂေ ကွယ် အာ ဟြဲန့် ဒီ အူယ် မာယဝ်း ဒီ အာ ဂိုဝ် ဒီ အာ ဝီ။

18 လှုက်လှာန် အာတောနီကမ် ဂေ ကွယ် ဒဝ် မာယဝ်း ဒီ ဒဝ် ဂိုဝ် ဒီ ဘူ ဝီ။

19 လှုက်လှာန် အာဘီဂါဝီ ဂေ ကွယ် အာ ဟြဲန့် ဒီ ဒဝ် ဂိုဝ် ဒီ ဘူ ဝီ။

20 လှုက်လှာန် အာတိန် ဂေ ကွယ် ဒဝ် မာယဝ်း ဒီ ဖန် ဂိုဝ် ဒီ ဖန် ဝီ။

21 လှုက်လှာန် အာတ အီ ဘော မုး န့ကြိုဝ်း န့ကြာတ့် အာဟေစကီယာ ဂေ ကွယ် ဒိမ် ဂိုဝ် ဒီ ဒါ ဝီ။

22 လှုက်လှာန် အာဟာဆူမ် ဂေ ကွယ် အူယ် မာယဝ်း ဒီ အာ ဂိုဝ် ဒီ ဒါ ဝီ။

23 လှုက်လှာန် အာဘေဇာ ဂေ ကွယ် အူယ် မာယဝ်း ဒီ အာ ဂိုဝ် ဒီ ဖွုန် ဝီ။

24 လှုက်လှာန် အာရိမ် ဂေ ကွယ် အူ မာယဝ်း ဒီ ဂိုဝ် ဒီ အာ ဝီ။

25 လှုက်လှာန် အာကီပွင် ဂေ ကွယ် ဒိမ် ဂိုဝ် ဒီ ဖန် ဝီ။

26 ဂေ ဒူအီ အီ ကွယ် ခဲင် မိူင် ဘေတ်လဲမ် အီ ဟဲ့ ဝီ တး မိူင် ဒူင် ဒွိုမ် ကွယ် ဂုန့် ဒင် ဂေ၊ န့ မုး လှုက်လှာန် အာနေတောဖာ အီ ကွယ် အူ မာယဝ်း ဒီ ဒါ ဂိုဝ် ဒီ ဒါ ဝီ။

27 ဒူအီ ခဲင် မိူင် အာနာထူတ် ဂေ ကွယ် အူ မာယဝ်း ဒီ အာ ဂိုဝ် ဒီ ဒါ ဝီ။

28 ဒူအီ ခဲင် မိူင် အာဘေတ်ဇာမာဝိတ် ဂေ ကွယ် ဖွုန် ဂိုဝ် ဒီ အာ ဝီ။

29 ဒူအီ ခဲင် မိူင် ကီရီယာတ်ယာရိမ် အီ ကွယ် ခဲင် မိူင် ခေဖီရာ ဘော ဂေ ဒူအီ ခဲင် မိူင် ဘေရောဆီ ဂေ ကွယ် ဘူ မာယဝ်း ဒီ ဖွုန် ဂိုဝ် ဒီ အူယ် ဝီ။

30 ဒူအီ ခဲင် မိူင် ရာမာ ဘော ခဲင် မိူင် ဂီဘာ ဂေ ကွယ် ဒဝ် မာယဝ်း ဒီ အာ ဂိုဝ် ဒီ အူ ဝီ။

31 ဒူအီ ခဲင် မိူင် မိက်မာတ် ဂေ ကွယ် အူ မာယဝ်း ဒီ အာ ဂိုဝ် ဒီ အာ ဝီ။

32 ဂေ ဒူအီ ခဲင် မိူင် ဘေဒါအေန် ဘော ခဲင် မိူင် အာယီ ဂေ ကွယ် အူ မာယဝ်း ဒီ အာ ဂိုဝ် ဒီ အူယ် ဝီ။

33 ဂေ ဒူအီ ခဲင် မိူင် နေပေါ အီ မုး မိူင် ပေါ အူ မိူင် ဂေ ကွယ် ဖန် ဂိုဝ် ဒီ အာ ဝီ။

34 ဂေ ဒူအီ ခဲင် မိူင် အေလမ် အီ မုး မိူင် ပေါ အူ မိူင် ဂေ ကွယ် အူ ဟြဲန့် ဒီ အာ မာယဝ်း ဒီ ဖန် ဂိုဝ် ဒီ ဖွုန် ဝီ။

35 ဂေ ဒူအီ ခဲင် မိူင် ဟာရိမ် ဂေ ကွယ် အူယ် မာယဝ်း ဒီ အာ ဂိုဝ် ဝီ။

36 ဂေ ဒူအီ ခဲင် မိူင် ယေရီခုဝ် ဂေ ကွယ် အူယ် မာယဝ်း ဒီ ဖွုန် ဂိုဝ် ဒီ ဖန် ဝီ။

37 ဂေ ဒူအီ ခဲင် မိူင် လောတာ ဘော ခဲင် မိူင် ဟာဒိတ် ဘော ခဲင် မိူင် အောနော ဂေ ကွယ် ဘူ မာယဝ်း ဒီ အာ ဂိုဝ် ဒီ အူ ဝီ။

38 ဂေ ဒူအီ ခဲင် မိူင် ဆေနာ ဂေ ကွယ် အူယ် ဟြဲန့် ဒီ ဒိမ် မာယဝ်း ဒီ အူယ် ဂိုဝ် ဝီ။

39 ဇာရာင် ဂေ ခြိုဝ် ဒါ အီ လှူ ဒီ ဇဝ်ဖြာ အီ ဟဲ့ ဝီ တး ဇမ် ခဲင် မိူင် ဂေ၊ န့ ပါယ် နီ။ အီ မုး လှုက်လှာန် အာယီတာယာ အီ မုး န့ကြိုဝ်း န့ကြာတ့် အာယောဆူ ဂေ ကွယ် ဒိမ် မာယဝ်း ဒီ ဘူ ဂိုဝ် ဒီ အူယ် ဝီ။

40 လှုက်လှာန် အာအီမေရာ ဂေ ကွယ် အူ ဟြဲန့် ဒီ ဖန် ဂိုဝ် ဒီ အာ ဝီ။

41 လှုက်လှာန် အာဘာဆူရာ ဂေ ကွယ် အူ ဟြဲန့် ဒီ အာ မာယဝ်း ဒီ ဖွုန် ဂိုဝ် ဒီ ဘူ ဝီ။

42 လှုက်လှာန် အာဟာရိမ် ဂေ ကွယ် အူ မာယဝ်း ဒီ ဂိုဝ် ဒီ ဘူ ဝီ။

43 ဇာရာင် ဂေ ဒူအီ ခဲင် ခြိုဝ် အာလေဝီ အီ ဟဲ့ ဝီ တး မိူင် ဂေ၊ ဂေ မုး လှုက်လှာန် အာယောဆူ အီ မုး န့ကြိုဝ်း န့ကြာတ့် အာကာတာမေလာ ဘော အာဟုဝ်တောဝါ အီ ကွယ် ဘူ ဂိုဝ် ဒီ ဖွုန် ဝီ။

44 ဂေ အီ တဝ်း မှုဝ် အီ မုး လှုက်လှာန် အာဆာပ် ဂေ ကွယ် အူ မာယဝ်း ဒီ ဖွုန် ဂိုဝ် ဒီ ဒါ ဝီ။

45 ဂေ အီ ဘ်ု ဟုဝ် ဇဝ်ဖြာ ဘော မုး လှုက်လှာန် အာဆာလူမ်၊ လှုက်လှာန် အာတာ၊ လှုက်လှာန် အာတာလာမူန်၊ လှုက်လှာန် အာအေခူပ်၊ လှုက်လှာန် အာဟာတီတာ ဘော လှုက်လှာန် အာဆောဘေ၊ ဂေ ဘောကာဂ့လျီတ် ကွယ် အူ မာယဝ်း ဒီ အူယ် ဂိုဝ် ဒီ ဒါ ဝီ။

46 ဂေ အီ ဘူင် ဂါန် ခဲင် ဟုဝ် ဇဝ်ဖြာ ဘော မုး လှုက်လှာန် အာဇီဟာ၊ လှုက်လှာန် အာဟာဆာဖာ ဘော လှုက်လှာန် အာတာပွက်၊

47 လှုက်လှာန် အာကေရူတ်၊ လှုက်လှာန် အာဆာယာဟာ ဘော လှုက်လှာန် အာဘာဒူန်၊

48 လှုက်လှာန် အာလေပါနာ၊ လှုက်လှာန် အာဟာကာဘာ ဘော လှုက်လှာန် အာဆာလာမဲ၊

49 လှုက်လှာန် အာဟာနန်၊ လှုက်လှာန် အာကိတ်ဒေလာ ဘော လှုက်လှာန် အာကာဟာ၊

50 လှုက်လှာန် အာရာယာ၊ လှုက်လှာန် အာရေစီနာ ဘော လှုက်လှာန် အာနေကောတာ၊

51 လှုက်လှာန် အာကီစပ်၊ လှုက်လှာန် အာအူဇာ ဘော လှုက်လှာန် အာဖာဆေယာ၊

52 လှုက်လှာန် အာဘေဆေ၊ လှုက်လှာန် အာမာဟာနိမ် ဘော လှုက်လှာန် အာနာပူဆီ၊

53 လှုက်လှာန် အာဘာကာဘုဝ်၊ လှုက်လှာန် အာဟာကူဖာ ဘော လှုက်လှာန် အာဟာရူယာ၊

54 လှုက်လှာန် အာဘာစာလိက်၊ လှုက်လှာန် အာမာဟီတ ဘော လှုက်လှာန် အာဟာရဆာ၊

55 လှုက်လှာန် အာဘာကူတ်၊ လှုက်လှာန် အာဆီဆာလ၊ လှုက်လှာန် အာထာမာ၊

56 လှုက်လှာန် အာနေစီ ဘော လှုက်လှာန် အာဟာတီဖာ။

57 ဇာရာင် လှုက်လှာန် ဂေ အီ မုး မှာယ် ခုန်ဒီခမ် အာဆာလုဝ်မုဝ် အီ ဟဲ့ ဝီ တး ခဲင် မိူင် ဂေ ဘော မုး လှုက်လှာန် အာဆောဒေ၊ လှုက်လှာန် အာဆောဖီရာတ်၊ လှုက်လှာန် အာဘေရူတာ၊

58 လှုက်လှာန် အာယာလာ၊ လှုက်လှာန် အာတာကူန်၊ လှုက်လှာန် အာကိတ်ဒေလာ၊

59 လှုက်လှာန် အာဆေဖာဒီ၊ လှုက်လှာန် အာဟာထီလာ၊ လှုက်လှာန် အာဖောခိတ် အာဇေဘိမ် ဘော လှုက်လှာန် အာမူန်။

60 ဂေ အီ မုး လှုက်လှာန် ဂေ အီ ဘဲန် ဒဲစေန့် ဘူင် ဂါန် ခဲင် ဟုဝ် ဇဝ်ဖြာ ဘော မှာယ် အာဆာလုဝ်မုဝ် အီ ဟဲ့ ဝီ တး ခဲင် မိူင် ဂေ၊ ဂေ ကွယ် အူယ် မာယဝ်း ဒီ ဒိမ် ဂိုဝ် ဒီ အာ ဝီ။

61-62 န့ ပီ ဝီ မိုဝ်း ဒူအီ အာဒါ ဒဝ် မာယဝ်း ဒီ ဖန် ဂိုဝ် ဒီ အာ ဝီ အီ မုး လှုက်လှာန် အာဒေလာယာ၊ လှုက်လှာန် အာတောဖီယာ ဘော လှုက်လှာန် အာနေကောတာ။ ဂေ ဟဲ့ တး ခဲင် မိူင် တေလမဲလာ၊ ဘော ခဲင် မိူင် တေလဟာဆာ၊ ခဲင် မိူင် ဒေရာပ်၊ မိူင် အတ်တာန် ဘော မိူင် အီမေရာ။ မာလဲ၊ ဒူအီ ဂေ တီ၊ ဂေ တူ ပွိုန် ဘျ မာဆေ အီ တဲး န့ လိုဝ်း ဆီချာ လွင် မုး ဂေ ဒူအီ အီဆာရေလ။

63 ဂေ ဒါ အီ လှူ ဒီ ဇဝ်ဖြာ အီ တူ နပ် ဒီ ကာလာင် အာဆေ မုး ဂုန့် ဒင် ဂေ၊ န့ ဘော မုး လှုက်လှာန် အာဟာဘာယာ၊ လှုက်လှာန် အာဟာခူတ်၊ လှုက်လှာန် အာဘာစီ။ အာဘာစီ တီ၊ အန် ဟဲ့ ဒွိုမ် ဒိုဝ်း အီဘိုန့် အီ မုး ဂွန် အာဘာစီ အီ ကွယ် ခဲင် အိူင် ဂီလေအာတ်။ အန် ဘော ဒိုဝ်း စိူဝ် ဒူပ် ခြိုဝ် ဘိုဝ် အန် တီ။

64 ဒူအီ ဂေ တီ၊ ဂေ ဟြေတ့် စိူဝ် ဂုန့် ဒင် ဂေ ခဲင် ဇာရာင် ဒူအီ အီဆာရေလ၊ ယီ တူ ယိုဝ်။ ခုဝ်၊ ဂေ တူ ပွိုန် ဘဲန် ဒါ အီ လှူ ဒီ ဇဝ်ဖြာ။ ဂေ ဒါ တာင် မာတ် ဂေ တူ ဆီငါ ဒူပ် ပီ ဒမ် ဒါရာ။ 65 ဒါ ကာညာ အီ အိုပ် အိူင် ယူဒါ၊ အန် ဟဲ့ ဆုင်ဖျာတ် တဝ်း၊ “ဆေ ညှမ် မိုဝ်း ဒါ အီ လှူ ဒီ ဇဝ်ဖြာ အီ ဂူင့် အူရိမ် ဂါယ် ထူမိမ် အီ တဲး အန် ပွိုန် ဒီ ဆုင်ဖျာတ် ဒီ ယွတ် လွင် အန် တီ၊ ဂေ ညှမ် ပွိုန် ဒီ ဟူမ် အီ ဘွတ် ပဲ့ ဟဲ့ ဟွတ့် လှူ အီ ဒီ ဇဝ်ဖြာ။” 66 ဂေ ဒူအီ အီ ဟဲ့ ဝီ တး၊ ဂေ ဘောကာဂ့လျီတ် ကွယ် ဖွုန် မှိုန့် ဒီ အာ ဟြဲန့် ဒီ အူယ် မာယဝ်း ဒီ ဒဝ် ဂိုဝ် ဝီ။ 67 အီ မုး မှာယ် အီ ဟဝ် ဘော အီဘိုန့် ဘော အီမာယ်၊ ဂေ ကွယ် ဘော ဘူ ဟြဲန့် ဒီ အူယ် မာယဝ်း ဒီ အူယ် ဂိုဝ် ဒီ ဘူ ဝီ။ ဒူအီ အီ နပ် ဒီ တဝ်း မှုဝ် ဘော အီဘိုန့် ဘော အီမာယ်၊ ဂေ ဘော ကွယ် အာ မာယဝ်း ဒီ ဖွုန် ဂိုဝ် ဒီ ဖန် ဝီ။ 68 မင်ပြွင့်၊ ဂေ ဘော မိုဝ်း ဘူ မာယဝ်း ဒီ အူယ် ဂိုဝ် ဒီ ဒဝ် ဒုဝ်။ ဘော မာလုဝ် ဂေ မိုဝ်း အာ မာယဝ်း ဒီ ဖွုန် ဂိုဝ် ဒီ ဖန် ဒုဝ်။ 69 မင်ပြွင့် ကာဟာတ့် ဂေ ဘော မိုဝ်း ဖွုန် မာယဝ်း ဒီ အူယ် ဂိုဝ် ဒီ ဖန် ဒုဝ်။ မာလာ ဂေ ဘော မိုဝ်း ဒဝ် ဟြဲန့် ဒီ ဘူ မာယဝ်း ဒီ အာ ဂိုဝ် ဒုဝ်။

70 ဂေ ဒူအီ ဘောကာဂ့လျီတ် ဘော ဝီ မိုဝ်း နဝ်း ဆီ လှူ ဆီ ဒါန်၊ တဲး ဂေ ဝီ ပွိုန် ဒီ ဝီ ဆမ် ဟုဝ် ဇဝ်ဖြာ ဒူင် ကွယ် ဘြိမ် အန် တွိုန်။ ဒါ ကာညာ အီ အိုပ် မိူင် ဘော လှူ ခြိဝ် အူ ဟြဲန့် ကျာပ်၊ ဆီလယ့် ခြိဝ် ဖန် ဂိုဝ် ဘူင့် ဘော ဆီတုဝ် တုန် ပီ တာ ဒါ အီ လှူ ဒီ ဇဝ်ဖြာ ဖန် မာယဝ်း ဒီ အူယ် ဂိုဝ် ဖိူန်။ 71 ဂေ အီ မုး ဂိန့် န့ဟူမ် မင် အီ၊ ဂေ ဘော လှူ ခြိဝ် အာ မှိုန့် ကျာပ် ဘော ရွိုန် အာ ဟြဲန့် ဒီ အာ မာယဝ်း မီနာ။^a 72 ဂေ အီ ဟဝ် ဘောကာဂ့လျီတ် ပီ ဘော ဝီ လှူ ခြိဝ် အာ မှိုန့် ကျာပ် ဘော ရွိုန် အာ ဟြဲန့် မီနာ။^b ဘော ဆီတုဝ် တုန် ပီ တာ ဒါ အီ လှူ ဒီ ဇဝ်ဖြာ ဒဝ် ဂိုဝ် ဒီ ဘူ ဖိူန်။

73 ပါယ် တီ ခဲ့ ကွယ် ဂေ ဒူအီ အီဆာရေလ ဘောကာဂ့လျီတ် ဘော မုး ဒါ အီ လှူ ဒီ ဇဝ်ဖြာ၊ ဒူအီ ခြိုဝ် အာလေဝီ၊ ဒူအီ အီ ဘ်ု ဟုဝ် ဇဝ်ဖြာ၊ ဂေ အီ တဝ်း မှုဝ်၊ ဒူအီ ရဝ် ဒူအီ ကာင် ဘော ဂေ အီ ဘူင် ဂါန် ခဲင် ဟုဝ် ဇဝ်ဖြာ ဂေ ဟဲ့ ဝီ တး ကွယ် တူတ့် ခဲင် ကာဒါယ် မိူင် ယူဒါ ဒူင် ကွယ် ရဝ် အာဆေ ရဝ် အန်။