1 အာဘေန်ယာမ် မုး ဂုန့် အာဘေန်လာ အီ မုး ဂွန် ဂိန် အန်။ အာစာဘေန် မုး ဂွန် ဝီ ဟာအာ။ အာဟာရ မုး ဂွန် ဝီ ဟာအူယ်။ 2 အာနောဟာ မုး ဂွန် ဝီ မ့ဖွုန် ဘော အာရာဖ မုး ဝီ မ့ဖန်။

3 ဂွန် အာဘေန်လာ ဘော မုး အာဒါရာ၊ အာဂီရာ၊ အာဘီဟုတ်၊ 4 အာဖီဆာ၊ အာနေမာန်၊ အာဟုဝ်၊ 5 အာဂီရာ၊ အာဖူဖာန် ဘော အာဟူရမ်။

6 ဂွန် အာအေဟုတ် ဂေ အီ ဘဲန် ဂုန့် ဒင် ခဲင် န့ကြိုဝ်း ဂေ ဘော ကွယ် ခဲင် မိူင် ဂီဘာ၊ ဂေ စိူဝ် အာနေမာန်၊ အာဟီယာ ဘော အာဂီရာ။ 7 ဂေ မိူဝ် ကာဒုး ဒီ ဟာဝ် ဘဲန် မှာယ် ဒူအီ ခဲင် မိူင် မာနာဟာတ်။ အာဟီယာ ဟဲ့ ကာဒုး ဒီ ယဲတ့် ဟာဝ် ဂေ။ အန် ဘော မုး ဂုန့် အာအူဇာ ဂါယ် အာဟီဟုတ်။

8 အာဆာရိမ် ဘော ဝဲန် အီဘိုန့် အာ ဝီ အီ စိူဝ် နာင် ဟူဆိမ် ဂါယ် နာင် ဘာရာ။ 9 ဝါယ် အန် တီ အန် ဘော ဝီ ကာထုဝ့် ဟာဝ် ကွယ် ခဲင် မိူင် မုဝ်အာပ်။ အန် ပီ ဝီ ဟာဝ် ဒိုဝ်း အီဘိုန့် ပေါ အူ ဝီ အီ စိူဝ် နာင် ဟောဒေဆာ။ အန် ပီ ဝီ မိုဝ်း ဂွန် အီမာယ် အီ စိူဝ် အာယုဝ်ဘာပ်၊ အာဆီဘေ၊ အာမေဆာ၊ အာမာလာခမ်၊ 10 အာယူဇာ၊ အာဆာခီ ဘော အာမီရာမာ။ ဂွန် အီမာယ် အန် ဂေ တီ ဘော ဘဲန် ဂုန့် ဒင် ခဲင် န့ကြိုဝ်း ဂေ။ 11 အီဘိုန့် အန် အီ စိူဝ် နာင် ဟူဆိမ် တွိုန် ပီ ဝီ မိုဝ်း ဂွန် အီမာယ် အီ စိူဝ် အာဘီတူပ် ဂါယ် အာအေဘာလ။

12 အာအေဘာလ ပီ ဝီ မိုဝ်း ဂွန် အီမာယ် အီ စိူဝ် အာအေဘာ၊ အာမီဆာအမ် ဘော အာဆာမိတ်။ အာဆာမိတ် တီ ဘော ဘဲန် အီ ဒဲ မိူင် အောနော၊ မိူင် လောတာ ဘော ရဝ် အီ ကွယ် ရေတ့် မိူင် ဂေ တီ။ 13 ဘော အာဘေရီယာ ဂါယ် အာဆေမာ မုး ဂွန် အာအေဘာလ။ ဂါယ် ဘော ဘဲန် ဂုန့် ဒင် ခဲင် န့ကြိုဝ်း ဂေ ဒူအီ အီ ကွယ် ခဲင် မိူင် အာစာလုန်။ ဂေ မိူဝ် ဟဲ့ ဟုဝ် တဝ် ဒူအီ အီ ကွယ် ခဲင် မိူင် အာဂ တွိုန်။

14 ဂွန် အာဘေရီယာ ဘော မုး အာဟီအော၊ အာဆာဆာက်၊ အာယေရေမူတ်၊ 15 အာဇေဘာဒီ၊ အာရာတ်၊ အာအေဒေ၊ 16 အာမီခီလာ၊ အာအီဆာဖာ ဘော အာယောဟာ။

17 ဂွန် အာအေဘာလ ဘော မုး အာဇေဘာဒီ၊ အာမေဆူလမ်၊ အာဟီစကီ၊ အာဟေဘာ၊ 18 အာအီဆာမေရေ၊ အာယေစာလီ ဘော အာယုဝ်ဘာပ်။

19 ဂွန် အာဆီမီ ဘော မုး အာယာခိမ်၊ အာဇီခါရီ၊ အာဇာဘာဒီ၊ 20 အာအေလေန်၊ အာဇီလာဆေ၊ အာအေလီအေန်၊ 21 အာတာယာ၊ အာဘေရေယာ ဘော အာဆီမာရာတ်။

22 ဂွန် အာဆာဆာက် ဘော မုး အာအီဆာဘာန်၊ အာအေဘာ၊ အာအေလီအေန်၊ 23 အာဘာတူန်၊ အာဇီခါရီ၊ အာဟာနန်။ 24 အာဟာနာနီယာ၊ အာအေလမ်၊ အာတောဆီယာ၊ 25 အာအေဖာဒီယာ ဘော အာဘေနူအေန်။

26 ဂွန် အာယေရုဝ်ဟမ် ဘော မုး အာဆာဆာရေ၊ အာဆေဟာရီ၊ အာအေထာလီ၊ 27 အာယာရေဆီယာ၊ အာအေလီယာ၊ အာဇီခါရီ။

28 ဒူပ် ဇာရာင် ပဲ့ ဟဲ့ ဒဲမ် အုန် ဂေ၊ ဒူအီ ဂေ တီ ဘော ဘဲန် ဂုန့် ဒင် ဒူအီ ခဲင် န့ကြိုဝ်း ဂေ ဘော ကွယ် ခဲင် မိူင် ယေရူဆာလဲမ်။

29 အာယေယီလာ အီ မုး ဂုန့် အာကီပွင် ဘော ဒဲ မိူင် ကီပွင် ဘော ကွယ် ခဲင် မိူင် တီ။ အီဘိုန့် အန် စိူဝ် နာင် မာခါ တွိုန်။ 30 အန် ဟဲ့ မိုဝ်း ဂွန် ဂိန့် အန် အီ စိူဝ် အာဘာတူန်။ ဂွန် အန် ဂေ ဝီ ဟဝ် ဘော စိူဝ် အာဇူရာ၊ အာကီဆာ၊ အာဘာလ၊ အာနာဒါပ်၊ 31 အာကေတော၊ အာဟီအော၊ အာဇေကေရ 32 ဘော အာမီကာလူတ် အီ မုး ဂုန့် အာဆီမေအာတ် တွိုန်။ လှုက်လှာန် ဒူအီ ဂေ တီ၊ ဂေ ဘော ကွယ် ခူပ် ဝေါဝဲ ဂေ အီ ကွယ် ခဲင် မိူင် ယေရူဆာလဲမ်။

33 အာနေရ မိုဝ်း ဂွန် အီမာယ် အီ စိူဝ် အာကီဆာ။ အာကီဆာ ပီ ဝီ မိုဝ်း ဂွန် အီမာယ် အီ မုး ခုန်ဒီခမ် အာဆောလူ။ အာဆောလူ ဝီ မုး ဂုန့် အာယုဝ်နာထာန်၊ အာမာလခီစှူဝါ၊ အာဖီနာဒါပ် ဘော အာအီဆာဘာလ။

34 အာယုဝ်နာထာန် ဘော မုး ဂုန့် အာမေရီဘာလ။ အာမေရီဘာလ ပီ ဝီ မုး ဂုန့် အာမီခါ။

35 အာမီခါ ပီ ဝီ မိုဝ်း ဂွန် အီမာယ် အီ စိူဝ် အာဖီဆူန်၊ အာမေလေက်၊ အာထာရာ ဘော အာခါတ်။

36 အာခါတ် ပီ ဝီ မုး ဂုန့် အာယေဟုဝ်ထာ။ အာယေဟုဝ်ထာ ပီ ဝီ မိုဝ်း ဂွန် အီမာယ် အီ စိူဝ် အာလာမိတ်၊ အာဇာမာဝိတ် ဘော အာဇီမာရီ။ အာဇီမာရီ ဘော မုး ဂုန့် အာမောဇာ။ 37 အာမောဇာ ဘော မုး ဂုန့် အာဘီနာ။ အာဘီနာ ဘော မုး ဂုန့် အာရဖာ။ အာရဖာ ဘော မိုဝ်း ဂွန် အီ စိူဝ် အာအေလာဆာ။ ဂွန် အာအေလာဆာ ဘော စိူဝ် အာဇီလာ။

38 အာဇီလာ ဝီ မိုဝ်း ဂွန် အီမာယ် ဒဝ် ဝီ။ ဂေ စိူဝ် အာဇာရီကမ်၊ အာဘုဝ်ခေရူ၊ အာဆာမာန်၊ အာဆာရီယာ၊ အာအောဘာဒီ ဘော အာဟာနန်။ ဂေ ဘောကာဂ့လျီတ် မုး ဂွန် အာဇီလာ တွိုန်။

39 အာအေဆိက် အီ မုး ဝါ အာဇီလာ တွိုန် မိုဝ်း ဂွန် ဂိန့် အန် အီ စိူဝ် အာအူလမ်။ ဂွန် ဝီ ဟာအာ စိူဝ် အာယေအုတ်၊ ဝီ ဟာအူယ် ဘော စိူဝ် အာအေလီဖေလေတ်။ 40 ဂွန် အီမာယ် အာအူလမ်၊ ဂေ ဘော ဘဲန် ဒါ ဆိုက် အီ ကျ ဒီ ကာဂုဝ်း ဘော လှဲဝ် ဒီ ဘန့် အ။ ဂေ ဘော ဝီ မိုဝ်း လှုက်လှာန် ကိူန် ကာဆဝ်။ ဂေ ဘောကာဂ့လျီတ် ကွယ် အူ မာယဝ်း ဒီ ဖန် ဂိုဝ် ဝီ။ ဂေ မုး တူတ့် လှုက်လှာန် ခြိုဝ် အာဘေန်ယာမ်။